ԱՄՆ Պետդեպարտամենտի մամուլի ծառայության ղեկավարի տեղակալ Վեդանտ Պատելը մեկնաբանել է ՌԴ ԱԳՆ ներկայացուցիչ Մարիա Զախարովայի խոսքերը պետքարտուղար Էնթոնի Բլինկենի՝ Վաշինգտոնում Երևանի և Բաքվի միջև բանակցությունների արդյունքների վերաբերյալ գնահատականի վերաբերյալ։ «Ես ժամանակ չեմ կորցնում ռուս գործընկերոջս հայտարարությունների մասին մտածելու վրա»,- ասել է նա։
Միաժամանակ, Պատելը նշել է, որ քանի որ դա վերաբերում է Հայաստանի և Ադրբեջանի միջև խաղաղության շատ կարևոր խնդրին, «գերատեսչությունը կշարունակի ակտիվորեն զբաղվել դրանով»։ «Մենք կարծում ենք, որ բանակցություններն արդյունավետ էին և հիմք դրեցին երկխոսությունը շարունակելու համար։ Մենք թույլ կտանք, որ այս գործընթացը զարգանա»,- եզրափակեց նա։
Ավելի վաղ ՌԴ ԱԳՆ ներկայացուցիչը Վաշինգտոնում Հայաստանի և Ադրբեջանի ԱԳ նախարարներ Արարատ Միրզոյանի և Ջեյհուն Բայրամովի հանդիպումից հետո զգալի առաջընթացի մասին Բլինկենի հայտարարությունները «անարդյունավետ» էր անվանել։ «Խաղաղության պայմանագրի մի շարք հոդվածներում առաջընթացի հետ մեկտեղ Հայաստանն ու Ադրբեջանը նշել են հիմնական հարցերի շուրջ տարաձայնությունների պահպանումը»,- պարզաբանել է նա։
Նրա խոսքով, Երեւանն ու Բաքուն կշարունակեն աշխատել երկկողմանի հիմքով խաղաղության պայմանագրի շուրջ։ «Մենք տեսնում ենք մեր դերը այս գործընթացի դյուրացման մեջ, հետևաբար Մոսկվան արդեն հարթակ է առաջարկել երկու երկրների արտգործնախարարների միջև բանակցությունների համար»,- եզրափակել էր Զախարովան։