28 апрелдә, янғын хәүефһеҙлегенең юғары булыуы сәбәпле, Башҡортостандың Урман хужалығы министрлығы республикалағы урман фонды ерҙәрен авиация ярҙамында патруль яһауын дауам итә. Республиканың урман министры Марат Шәрәфетдиновтың һүҙҙәренә ҡарағанда, авиация патруле янғын хәүефһеҙлеге III-V класлы булғанда файҙаланыла. Был осраҡта урман янғындарының сығыу ихтималлығы ҙур. Авиация разведкаһы ут сыҡҡан урындарҙы тиҙ асыҡларға һәм уларҙы үҙ ваҡытында “ауыҙлыҡларға” булышлыҡ итә. - Бөгөн урман фондының 4,1 миллион гектар, йәғни 72 процент биләмәлә авиация патруле алып барыла, - тип белдерҙе төбәктең урман ведомствоһы етәксеһе. Быйыл 31 мартта асылған янғын хәүефһеҙлеге миҙгелендә оҙонлоғо 10 сәғәт булған өс осош яһалған. 17 апрелдән 15 майға тиклем республикала, шул иҫәптән урмандарҙа ла айырыуса янғынға ҡаршы режим индерелде. Ә 30 апрелдән, янғын хәүефһеҙлегенең IV класлы булыуы сәбәпле, урманға рекреация йөкләмәһенең артыуы, елдең көсәйеүе, янғын менән бәйле ғәҙәттән тыш хәлдәрҙең теркәл