Бар саралар ҙа тыныс үтергә тейеш

27 апрелдә Башҡортостан Хөкүмәте Премьер-министры урынбаҫары Ирек Сәғитов май байрамдарын – Яҙ һәм Хеҙмәт көнө, Бөйөк Ватан һуғышында Еңеүҙең 78 йыллығы, шулай уҡ Рәсәй һәм Белоруссия төбәктәренең Х юбилей форумын үткәргәндә хәүефһеҙлекте тәьмин итеү мәсьәләләре буйынса кәңәшмә үткәрҙе. Ултырышта яуаплы министрлыҡтар һәм ведомстволар етәкселәре, шулай уҡ видеобәйләнеш режимында ҡала округтары һәм муниципаль райондар хакимиәттәре вәкилдәре ҡатнашты. Кәңәшмәлә ике мәсьәлә тикшерелде. Тәүгеһе май байрамдарын үткәргәндә хәүефһеҙлекте тәьмин итеүгә бәйле булһа, икенсеһе быйыл 26-28 июндә Өфөлә үтәсәк Рәсәй һәм Белоруссия төбәктәренең Х Форумы менән бәйле булды. Ирек Сәғитов тиҙҙән Бөйөк Ватан һуғышында Еңеүҙең 78 йыллығына арналған байрам саралары уҙасағын иҫкә төшөрҙө. Унда 130 меңдән ашыу кеше ҡатнаша. Бер нисә тораҡ пунктта уҡыусыларҙы, курсанттарҙы һәм башҡа патриотик тәрбиә биреү ойошмаларын йәлеп итеп тантаналы марштар үткәреү планлаштырыла. – РФ Ҡораллы көстәренең Украина территорияһында Махсус хәрби операция үткәреүгә бәйле провокацион хәрәкәттәрҙең юғары хәүефлелегенә бәйле, ағымдағы йылда “Рәсәйҙең Үлемһеҙ полкы” Дөйөм Рәсәй халыҡ парады хәрәкәте етәкселеге уны үткәреүҙән баш тартты, һәм икенсе форматтарҙа: автомобилдә, кейемдә йәки социаль селтәрҙә ветерандың портретын урынлаштырыу тураһында ҡарар ҡабул итте, – тине Премьер-министр урынбаҫары. Май байрамдары осоронда хәүефһеҙлекте һәм хоҡуҡ тәртибен тәьмин итеү мәсьәләһе буйынса БР буйынса Эске эштәр министрлығының йәмәғәт тәртибен һаҡлау буйынса полиция начальнигы урынбаҫары вазифаһын ваҡытлыса башҡарыусы Руслан Скорняков һәм Рәсәй гвардияһы Башҡортостан Республикаһы буйынса идаралығының йәмәғәт тәртибен һаҡлауҙа һәм һаҡ сараларында ғәскәрҙәрҙең ҡатнашыуын тәьмин итеү бүлеге начальнигы вазифаһын ваҡытлыса башҡарыусы Юрий Каюмов сығыш яһаны. Янғын хәүефһеҙлеген тәьмин итеү буйынса күрелгән саралар тураһында Рәсәй Ғәҙәттән тыш хәлдәр министрлығының Башҡортостан Республикаһы буйынса Баш идаралығы начальнигы урынбаҫары Владимир Горин хәбәр итте. Беренсе мәсьәләне тикшереү һөҙөмтәләре буйынса Ирек Сәғитов ҡала округтары һәм муниципаль райондар хакимиәттәре башлыҡтарына, шулай уҡ хоҡуҡ һаҡлау органдарына йөкләмәләр һәм рекомендациялар бирҙе. – Кинология хеҙмәте һәм инженер-сапер бүлексәләре белгестәрен йәлеп итеп, байрам саралары уҙғарылған урындар эргәһендәге биләмәләрҙе, шулай уҡ парадта ҡатнашыусыларҙың йөрөү маршруттарын тикшерергә кәрәк, – тине Ирек Сәғитов. Һуңынан икенсе мәсьәләгә күсеп, Рәсәй һәм Белоруссия төбәктәренең Х форумы барышында уҙғарылған саралар тураһында докладтар менән Башҡортостан Республикаһының тышҡы иҡтисади бәйләнештәр һәм конгресс эшмәкәрлеге министры урынбаҫары вазифаһын башҡарыусы Әлиә Ильясова һәм “Офис-группа” Башҡортостан Республикаһы Конгресс-бюроһының милләт-ара һәм халыҡ-ара хеҙмәттәшлеген үҫтереү буйынса сараларҙы әҙерләү һәм тормошҡа ашырыу буйынса автономлы коммерцияға ҡарамаған ойошма директоры Илдар Сафин сығыш яһаны. Санитар-эпидемиологик шарттарҙы үтәү буйынса күрелгән саралар тураһында ҡулланыусылар хоҡуҡтарын яҡлау һәм кеше именлеге өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы етәксеһе урынбаҫары Александр Жеребцов хәбәр итте. Рәсәй һәм Белоруссия төбәктәренең Х форумын уҙғарғанда медицина тәьминәте тураһында Башҡортостан Республикаһы Һаулыҡ һаҡлау министрлығының бүлек етәксеһе Тимур Екимов һөйләне. Ирек Сәғитов билдәләүенсә, Рәсәй һәм Белоруссия төбәктәренең Х форумы буйынса программалар бар, бөтә саралар, майҙансыҡтар билдәләнгән. – Саралар халыҡ-ара кимәлдә уҙғарыла. Беҙҙең бурыс – уны бөтә этаптарҙа ла хәл-ваҡиғаларһыҙ һәм башҡа төрлө проблемалы мәсьәләләрһеҙ үткәреү. Барлыҡ сараларҙы айырым контролгә алыуығыҙҙы һорайым, – тине Премьер-министр урынбаҫары. Үҙ сығышын йомғаҡлап, Ирек Сәғитов Башҡортостан Республикаһы буйынса Эске эштәр министрлығы һәм Рәсәй Ғәҙәттән тыш хәлдәр министрлығының БР буйынса Баш идаралығы вәкилдәренә саралар үткәрелгән урындарҙа йәмәғәт тәртибен, юл хәрәкәте хәүефһеҙлеген һаҡлауҙы тәьмин итеүҙә мөмкин тиклем ҙур ярҙам күрһәтеү һәм янғын хәүефһеҙлеге сараларын тормошҡа ашырыу кәрәклеге тураһында мөрәжәғәт итте. Фото һәм сығанаҡ: https://pravitelstvorb.ru/news/20808/