– Махсус хәрби операция зонасында иң мөһиме - игътибарны югалтмау. Кеше үзен кулда тотарга, паникага бирелмәскә тиеш. Моңа хезмәттәшләр, якташлар ярдәм итә, – ди «Баха» позывнойлы яугир.– Мин инде егетләр белән аралаштым, барысы да бик яхшы ял иткән. Дөрес, вакыт бик тиз үтте. Һәркемнең кәефе яхшы, хәрби бурычларын үтәргә әзерләр. Өстәвенә, батальон, тоташ алганда, кием-салымнан алып мунчаларга кадәр югары дәрәҗәдә тәэмин ителгән. Коптерлар, тепловизорлар даими рәвештә алына. Әлбәттә, сугышта куркыныч вакытлар еш була. Ләкин без хәрби бурычыбызны үтәмәсәк, нацизм чәчәк атса, безнең балаларыбызның һәм оныкларыбызның киләчәгенә хәвеф яный, – ди батальон штабы начальнигы, «Луна» позывнойлы сугышчы.– Бүген егетләрне махсус хәрби операция зонасына озатабыз, һәм шул ук автобус белән батальоннан Башкортстанга сугышчыларның чираттагы партиясе ялга кайтачак. Гыйнвардан бирле шулай эшлибез. Доставалов батальоныннан инде алтынчы партия ялга кайта. Безнең башка хәрби бүлекчәләрдән дә 4-6 шундый төркем булды. Ял вакытында сугышчылар мәктәпләргә килде, төрле патриотик чараларда катнашты. Балалар үз геройларын белергә тиеш, – диде Башкортстан Башлыгының хәрбиләр белән хезмәттәшлек мәсьәләләре буенча киңәшчесе Алик Камалетдинов.Хәрбиләр аңлатуынча, ял итүчеләр утырган автобуслар егетләрнең хезмәт итү урынына мөмкин кадәр якынрак барачак, шуннан ук ялга кайтучы хәрбиләрнең чираттагы төркемен алачак. Бөтен эш хәрби подразделениеләр командирлары белән тыгыз хезмәттәшлектә бара. Бу хакта тулырак: https://resbash.ru/news/Vremya%20geroev/2023-04-27/voiny-batalona-imeni-dostavalova-posle-otpuska-otpravilis-iz-ufy-na-territoriyu-svo-3236794 Альберт Загиров фотосы