Թուրքիայի նախագահ Ռեջեփ Թայիփ Էրդողանի աշխատակազմն արձագանքել է Թուրքիայի ղեկավարի վերաբերյալ տարածվող լուրերին։
Էրդողանի աշխատակազմի ապատեղեկատվության դեմ պայքարի կենտրոնը հերքել է լուրերն այն մասին, որ երկրի ղեկավարը սրտի կաթված է ստացել։
«Սոցցանցերում տարածված հաղորդագրություններն այն մասին, թե նախագահ Էրդողանն իբր սրտի կաթված է ունեցել և հոսպիտալացվել է, չեն համապատասխանում իրականությանը»,-ասված է Twitter-ի հրապարակման մեջ:
TRT Haber հեռուստաալիքին Թուրքիայի փոխնախագահ Ֆուաթ Օքթայը հայտնել է, որ Էրդողանի առողջական վիճակը լավ է, նա թեթև մրսածություն է տարել: