БЮТ телеканалында тура эфирҙа быйыл юғары уҡыу йорттарының ҡабул итеү кампанияһына арналған брифинг үткәрелде. Быйыл вуздарға инеү үҙенсәлеге тураһында Башҡортостандың мәғариф һәм фән министры урынбаҫары Инесса Косолапова, Башҡортостан Башлығының фән һорауҙары буйынса кәңәшсеһе Руслан Ҡазыханов, республика вуздары ректорҙары ҡатнашты. Эфирҙа документтарҙы дистанциялы тапшырыу, инеү һынауҙарын уҙғарыу, ҡабул итеү кампанияһы ваҡыты, абитуриенттарҙың спортта, ижадта, олимпиадаларҙағы шәхси ҡаҙаныштарына ҡағылышлы һорауҙар күтәрелде. Брифинг барышында абитуриенттар һәм уларҙың ата-әсәләре тарафынан Өфөлә Евразия фәнни белем биреү үҙәге вуз-ара студенттар кампусы тураһында күп һорауҙар бирелде. Башҡортостан баш ҡалаһында Кампус булдырыу ниндәй перспективалар асыуы, төбәктә яңы фәнни белем биреү майҙансығының барлыҡҡа килеү ваҡыты тураһында студия ҡунаҡтары һөйләне. Хәтерегеҙгә төшөрәбеҙ, Рәсәй Президенты ҡушыуы буйынса “Фән һәм университеттар” милли проекты сиктәрендә заманса университет ка