26 апрелдә Хөкүмәт Премьер-министры Андрей Назаров етәкселегендә үткәрелгән кәңәшмәлә быйыл республикала “Евразияны ҡаршылап” комплекслы спорт сараһын үткәреү, милли һәм Олимпия уйындары булмаған спорт төрҙәренә ярҙам юлдары ҡаралды, тип хәбәр итте республика Хөкүмәтенең матбуғат хеҙмәте. - Физкультура һәм спорт менән шөғөлләнеү өсөн шарттар булдырыуға ҙур иғтибар бүләбеҙ, яңы спорт объекттары төҙөйбөҙ. Былтыр ғына спорт тармағы өсөн ете миллиард һумдан ашыу аҡса йәлеп иттек, 352 спорт объектын сафҡа индерҙек. Ә улар республикала 13 меңдән ашыу. Милли һәм Олимпия уйындары булмаған спорт төрҙәре үҫешенә айырым иғтибар бүләбеҙ, федераль кимәлдә юғары баһа алған ҙур спорт сараһын үткәреү тәжрибәбеҙ бар, - тине Премьер-министр. “Спорт һәм социаль проекттар һәм Евразиада” программалары” йәмғиәте генераль директоры Илья Ломако һүҙҙәренә ҡарағанда, “Евразиаданы ҡаршылап” форумы кеүек оло проект өҫтөндә эшләү булған тәжрибәне тулыһынса тормошҡа ашырырға булышлыҡ итә. Сарала шулай уҡ республиканың спорт министры Руслан Хәбибов, тышҡы иҡтисади бәйләнештәр һәм конгресс эшмәкәрлеге министры Маргарита Болычева һәм башҡалар сығыш яһаны. Фото, сығанаҡ: pravitelstvorb.ru/news/20792/