Башҡортостан Хөкүмәте хәбәр итеүенсә, «Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү» милли проектын (национальный проект «Малое и среднее предпринимательство и поддержка индивидуальной предпринимательской инициативы») тормошҡа ашырыу сиктәрендә 26 апрелдә Хәйбулла районы үҙәге Аҡъярҙа һәм 27 апрелдә Өфөлә эшҡыуарҙар өсөн бушлай оҫталыҡ дәресенә саҡыралар. «Ҡиммәт хаҡҡа йүнәлтелгән һатыуҙар» тип аталған лекцияны Башҡортостандың Эшҡыуарлыҡ һәм туризм министрлығы ярҙамы менән «Минең бизнес-үҙәгем» ойоштора. – Төбәктә эшҡыуарҙар әҙерләүгә айырым иғтибар бүләбеҙ. Мәҫәлән, һәр кем өсөн эшҡыуарлыҡ буйынса бушлай уҡытыу курстары үткәрелә, унда сығыш яһаусылар — билдәле бизнес-тренерҙар, уңышлы эшҡыуарҙар һәм ведомство вәкилдәре. «Ҡиммәт хаҡҡа йүнәлтелгән һатыуҙар» оҫталыҡ дәрестәре эшҡыуарҙарға баҙар етәкселеге стратегияһын әҙерләргә һәм тауарҙың йәки хеҙмәттең конкурентлыҡ һәләтен арттырырға мөмкинлек бирәсәк, — тип аңлатма бирҙе Башҡортостандың эшҡыуарлыҡ һәм туризм министры Рөстәм Афзалов. Сара эшҡыуарҙар, үҙмәшғүлдәр һәм бизнес башларға йыйыныусылар өсөн файҙалы буласаҡ. «ProjectSales» консалтинг компанияһына нигеҙ һалыусы, B2B һәм B2G проекттарының һатыу буйынса эксперте Иван Волжанин сығыш яһаясаҡ. Ул тауарҙарҙы һәм хеҙмәттәрҙе һатыу өсөн нимәләр эшләргә икәнен өйрәтәсәк. Программаның нигеҙендә классик маркетинг алымдары ята. Ҡатнашыусыларға алдан теркәлергә кәрәк: 26 апрель — Хәйбулла районы, Аҡъяр ауылы, С. Юлаев проспекты, 45 https://cmbrb.ru/meropriyatiya/master-klass-tsennostno-orientirovannye-prodazhi-s-akyar/ 27 апрель — Өфө ҡалаһы, Тыныслыҡ урамы, 14-се йорт, «Киләсәк фабрикаһы» https://cmbrb.ru/meropriyatiya/master-klass-tsennostno-orientirovannye-prodazhi/ Уҡыу бушлай. Оҫталыҡ дәресенең ваҡыты: 10.00 сәғәттән алып 13.00 сәғәткә тиклем. Тулыраҡ мәғлүмәтте түбәндәге телефон һандарын йыйып алырға мөмкин: +7 (347) 224-99-99.