"1 декабрьдә балалар поликлиникага барырга тиеш. Төзелешне тәмамлау һәм файдалануга тапшыру өчен кирәк булганның барысын да эшләгез", — дип йөкләде Радий Хәбиров, төзүчеләр графигында бернинди дә өзеклекләр булырга тиеш түгеллеген аерым билгеләп үтте. "Поликлиника төзелешенә барлыгы 417,5 миллион сум бүлеп бирелгән, шуларның 354 миллион сумга якыны — федераль бюджет акчалары. Дүрт катлы бинаның гомуми мәйданы 5764 квадрат метрдан артып китә", — дип хәбәр итте сәламәтлек саклау министры вазыйфаларын башкаручы Азат Рәхмәтуллин. Аның сүзләренчә, төзелеш-монтаж эшләрен 2023 елның октябрендә тәмамлау планлаштырыла. Медицина эшчәнлеген гамәлгә ашыруга лицензия алганнан соң, кирәкле документларны рәсмиләштергәннән соң, поликлиника үзенең беренче кечкенә пациентларын кабул итә алачак. Фото: Олег Яровиков