Идомаи иқдомҳои Ширкати мо дар самти рушди варзиш

Моҳи апрел Нахустин Ширкати миллии букмекерии «Formula55» иқдомҳои хешро дар самти рушду инкишоф, пешрафт ва дастгирии варзиш дар кишвар идома дода, барномаҳои худро дар ин самт амалӣ гардонид.

Мавсими нави футбол дар кишвар аллакай оғоз гардид ва ҳамасола «Formula55» сарпаратии як қатор тимҳои футбол дар Лигаи олӣ, Лигаи якум ва футзалро ба уҳда мегирад.

4-уми апрел Нахустин Ширкати миллии букмекерии «Formula55» сарпарасти расмии бошгоҳи футболи «Душанбе» гардид. Ширкат соли сеюм аст, ки ин клубро аз ҷиҳати молиявӣ дастгирӣ мекунад.

Бояд гуфт, ки Ширкати миллии букмекерии «Formula55» пайваста дастаҳои футболи кишварро аз лиҳози молиявӣ дастгирӣ мекунад. Қабл аз дастаи "Душанбе" Ширкат сарпаратии бошгоҳи футболи “Хуҷанд” низ гардид ва нақша дорад, ки боз чунин ҳамкориро бо як чанд бошгоҳи футболи дигари мамлакат низ ба роҳ монад.

Нахустин ширкати миллии букмекерии «Formula55» дар доираи барномаи «Орзуи нек» толори варзишии «бокс»-и шаҳри Хуҷандро аз тамъир бароварда, бо таҷҳизотҳои нави муосир таъмин намуд.

Дар ин толори варзишӣ 83 нафар кӯдак ҳамарӯза машқ мекунанд ва пиронсолон низ барои нигоҳ доштани саломатии худ ба ин толори варзишӣ меоянд. Иншооти варзишӣ аз соли 1993 фаъолият дорад ва таъмир талаб низ гардида буд.

«Formula55» пас аз таъмири пурраи толор ба машқварзону мураббиён лавозимоти зарурӣ барои тамрин ва либосҳои варзишӣ туҳфа намуд.

Давоми соли ҷорӣ Ширкати мо дар пеши худ мақсад гузоштааст, ки барномаи хайриявии «Орзуи нек»-ро бештар дар минтақаҳо роҳандозӣ намояд.

Ҳамингуна як иқдоми дигар охири моҳи март дар толори варзишии гуштини тарзи озоди шаҳри Хоруғ (ВМКБ) анҷом дода шуд.

Дар ин толор зиёда аз 100 нафар кӯдакону наврасон машқ мекунанд. Толори варзишӣ ба таъмир ва таҷҳизот барои омода кардани варзишгарони сатҳи касбӣ ниёз дошт.

Нахустин ширкати миллии букмекерии «Formula55» ин толори варзиширо низ таъмири пурра намуда, бо лавозимоти варзишӣ ва дигар таҷҳизотҳои зарурӣ таъмин кард.

Ёдовар мешавем, ки сар аз моҳи феврали соли 2021 «Formula55» дар баробари фаъолияти асосии худ ба корҳои хайриявӣ низ машғул аст, ки дар доираи он кормандони ширкат ба барқарорсозии майдончаҳои варзишии мактаб-интернатҳо ва хонаҳои пиронсолон машғуланд.

Моҳи Рамазон - дорои фазилатҳои бузургест, ки моҳи хайру саховатмандӣ ва дигар амалҳои накӯкорӣ аст.

Дар доираи амалҳои хайру эҳсонкорӣ бахшида ба Моҳи мубораки Рамазон Ширкати мо «Formula55» иқдоми хайриявии худро идома дода, аз «Муассисаи давлатии хонаи пиронсолон ва маъюбон воқеъ дар деҳаи Батоши ноҳияи Шаҳринав” дидан кард.

«Formula55» ба бошандагони ин Муассиса маҳсулоти ниёзи аввалияи хӯрокворӣ, инчунин маҳсулоти гигиенаи шахсӣ дастрас намуд.

Ширкати мо «Formula55» мақсад дорад, ки дар ҳар як квартали нақшавии худ чунин иқдомҳои хайриявиро барои қишрҳои ниёзманди ҷомеа амалӣ созад.

Яке аз ҳадафҳои асосии Ширкати «Formula55» аз рӯзҳои аввали таъсисёбиаш, ин дастгирии варзишгарон, рушд додани соҳаи варзиш ва саҳмгузоштан дар пешрафти тарбияи ҷисмонӣ мебошад. Ҳамзамон «Formula55» мунтазам чорабиниҳои гуногуни варзишӣ, варзишгарон, инчунин клубҳо ва федератсияҳои варзиширо дастгирӣ мекунад.

Ширкати мо дар оянда низ дастгирии варзишгарон, таъмиру таҷдиди толорҳои варзишӣ ва саҳмгузоштан ба рушди варзишро дар кишвар аз зумраи ҳадафҳои асосии фаъолияти худ дониста, барномаҳои зиёдеро дар ин самт амалӣ хоҳад кард.