Владимир Путин социаль челтәрләрдә халык белән элемтәне ныгытырга чакырды

“Алга таба да гражданнар белән нәтиҗәле кире элемтә төзү бик мөһим. Муниципаль хакимият, һичшиксез, халык белән даими элемтәдә булырга, аларның сорауларын һәм теләкләрен игътибар белән тыңларга һәм ишетергә, аларга тиз җавап бирергә тиеш. Тәҗрибә күрсәткәнчә, санлаштыру мондый кире бәйләнешнең сыйфатын һәм нәтиҗәлелеген арттыра. Советның узган утырышында без Төбәкләр белән идарә итү үзәкләрен төзү турында сөйләштек. Бүген мондый үзәкләр федерациянең барлык субъектларында да актив эшли, кешеләрдән яхшы бәяләмәләр ала. Бу тәҗрибәне муниципаль дәрәҗәгә дә таратырга кирәк”, - дип өндәде Владимир Путин урындагы үзидарәне үстерү буенча Президент каршындагы Совет утырышы барышында.Республика ЦУРында билгеләп үтүләренчә, 2023 ел башыннан гына да министрлыклар, ведомстволар, Башкортстанның шәһәр һәм районнары хакимиятләре вәкилләре белән бергә "Инцидент-менеджмент" системасына һәм Платформа аша кире элемтәгә кергән халыкның 83,2 меңнән артык мөрәҗәгате эшләнгән. Бүген хәл ителгән мәсьәләләрнең гомум саны 748 меңнән артып китә.Фото: bashinform.ru