Беренчел мәгълүматлар буенча, 22 апрельдә Дәүләкән районында көндезге сәгать берләр тирәсендә Поляковка - Черниговка автоюлында 18 яшьлек "ВАЗ-21099" йөртүчесе, идарәне югалтып, юл читенә килеп төшкән. Җиңел автомобиль электр баганасына бәрелә һәм әйләнә. Юл-транспорт һәлакәтендә алган җәрәхәтләрдән яшь ярымлык бала вафат була.Полиция вакыйга вакытында автомобиль салонында биш кеше, шул исәптән өч бала булуын ачыклаган. Үлгән бала арткы утыргычта булган, балаларны утырту җайланмасы булмаган. Моннан тыш, шоферның исерек булуы ачыкланган. Тикшерү 0,537 мг/л алкоголь булуын күрсәткән.Шулай ук ир-атның машина йөртү таныклыгы юк һәм автомобиль теркәлмәгән булган. Фото: социаль челтәрләрдән