"Мин уны өйҙә бикләп тоторға йыйынмайым"

Яратҡан йәш йырсыларыбыҙ Ришат Төхвәтуллин менән Әлиә Ҡарасуринаның никахы тураһында хәбәр иткәйнек. Был ваҡиға уларҙың фанаттары араһында ҙур ғына ҡыҙыҡһыныу уятты һәм төрлө имеш-мимеш барлыҡҡа килде. Күптән түгел Ришат “Шәһри Ҡазан” баҫмаһына интервью биргән һәм байтаҡ ҡына һорауҙарға яуап биргән. Уны һеҙгә лә тәҡдим итәбеҙ. – Ир ролендә нисек? – Әлегә бер нимә лә аңламаным. Никахтан һуң күңел тынысланып ҡалғандай булды. – Туйығыҙ ҡасан була? – Йәйгеһен, июндә. – Балалары һәм ҡатыны менән гастролгә йөрөгәндәргә мөнәсәбәтегеҙ ниндәй? – Һәйбәт. Афарин! Был бик ауыр. – Әлиәгә ниндәй мәһәр бүләк иттегеҙ? – Йөҙөк. – Ни өсөн Әлиәгә йырларға рөхсәт бирмәйһегеҙ? – Улай түгел, уйлап сығармағыҙ. Беҙ бергә бер йыл ғына эшләмәйбеҙ һәм бының нисек ауыр икәнлеген аңлайбыҙ. Был - икебеҙ яғынан да уйлап ҡабул ителгән ҡарар. Ул сәхнәнән китмәй, ни бары гастролдәргә генә йөрөмәйәсәк. – Ни өсөн тәҡдим менән һуҙҙығыҙ? – Минең өсөн был – бик етди аҙым. Ул бер тапҡыр һәм ғүмерлеккә яһала, шуға оҙаҡҡа һуҙылды. – Әлиә һеҙҙең фамилияны аласаҡмы? – Был – мотлаҡ шарт. – Әлиә лә йырлаһын ине... – Дуҫтар, мин уны өйҙә бикләп тоторға йыйынмайым. Әлиә шулай уҡ йырҙар яҙҙырыр, бәлки, ҙур ҡалаларға беҙҙең менән гастролгә барыр. Ләкин бөтәһенә лә йөрөмәйәсәк, ғаиләлә бер кеше булһа ла өйҙә торорға тейеш. Мин генә түгел, Әлиә лә шундай фекерҙә. – Ҡайҙа йәшәйәсәкһегеҙ? – Фатирҙа. Әле үҙебеҙҙекендә ремонт бара, шуға ҡуртымға алып торабыҙ. – Әлиә тәки өйләндерҙе... – Мин үҙем өйләндем! – Ул атай-әсәйегеҙгә нисек өндәшә? – Атай, әней, ти. – Өйләнәм тигәс, яҙылыусылар һаны кәмемәнеме? – Киреһенсә. – Ниндәй йырҙарығыҙ Әлигә бағышланған? – “Зәңгәр күҙҙәр”, “Һағынам”. – Һеҙ бәхетлеме? – Эйе. Фото: "ГорОбзор".