“БАССРның атказанган укытучысы Лира Шәрип кызы Камалованың бүләкләре арасында - Социалистик Хезмәт Герое исеме, Хезмәт Кызыл Байрагы ордены, В.А.Сухомлинский медале. Республикабызның иң танылган укытучыларының берсе турында ЖЗЛ_Башкортстан рубрикасында.Лира Шәрип кызы Күгәрчен районының Сәеткүл авылында укытучылар гаиләсендә туган. 1955 елда - Темәс педагогия училищесын,1960 елда Башкорт дәүләт университетының тарих-филология факультетын тик "бишле" билгеләренә генә тәмамлый.Шул ук елны Хәйбулла районының Бүребай урта мәктәбендә урыс теле һәм әдәбияты укытучысы булып эшли башлый. Берничә елдан ул бу мәктәпнең директоры була.1985 елда Лира Камалова Уфага күченә, 20нче мәктәп директоры, мәгариф хезмәткәрләренең квалификациясен күтәрү институтының тәрбия эшләре кабинеты мөдире була. 1993 елдан - безнең педагогия университеты каршындагы халык мәгарифен оештыручыларны әзерләү һәм квалификацияләрен күтәрү факультеты методисты.Бик зур йөкләнешкә карамастан, иртәдән кичкә кадәр өч сменада эшләсә дә, Лира Камалова иҗтимагый тормыш өчен дә вакыт таба. Берничә тапкыр депутат булып сайлана, укытучылар съезды делегаты, Бөтенсоюз педагогия җәмгыяте президиумы әгъзасы була.Лира Шәрип кызы күптән пенсиядә, әмма әлегә кадәр аны хезмәттәшләре хәтерли, элеккеге укучылар яраткан педагогына кунакка килә. Лира Камалова - үз фәнен яхшы белгән укытучы гына түгел. Ул укучыларны тәрбияләүгә зур игътибар бирде. Үз мисалында кешенең нинди сыйфатларга ия булуын күрсәтте.2023 елда Русиядә - Педагог һәм остаз елы. Чын күңелдән Лира Шәрип кызына һәм аның барлык хезмәттәшләренә, республикабызның барлык педагогларына сәламәтлек һәм уңышлар телим!”, - дип язган республика җитәкчесе.