Балалар белән очрашу вакытында ул үзенең сугышта үткән көннәре турында сөйләгән. Бу хакта «Туймазы хәбәрләре» язган.Мәктәп укучылары аларның якташы сугышчан иптәшләре белән бергә ике кешене әсирлеккә алган алыш турында да ишеткән. Аларның берсе Америкадан ялланган кеше булып чыккан."Бу хәл яз башында булды. Алыш вакытында без - 10 кеше – дошман территориясенә үтеп кердек. Безнең окоплар һәм дошман окоплары бик якын иде, аларны ниндидер 200-300 метр аерып торды. Ут астында без дошман окопларына үтеп кердек һәм ике дошманны күрдек, аларның берсе америкалы иде. Алар безгә атарга өлгермәде, әсирлеккә алдык. Коралларын алып, штабка әсирләр булуы турында шифрлы текст тапшырдык. Штабтан әсирләрне килеп алдылар, ә без сугышны дәвам иттек", - дип сөйләгән яугир.Соңрак, икенче сугышта "Муха" контузия ала, ләкин дәваханәгә ятудан баш тарта. Ул үзен герой дип санамый һәм аңа бернинди бүләкләр дә кирәкми ди, хыялы - дошманны тизрәк юк итү."Сез безгә җибәргән хатлар һәм посылкалар көч бирә. Хатлар, яктыртучы һәм салкында җылытучы окоп шәмнәре өчен рәхмәт", - ди сугышчы.Ул балаларга тырышып укырга кушкан."Элек мин урында ориентирлашу, картография, яхшы физик әзерлек буенча белемнәр кирәк булачагын күз алдына да китерә алмадым. Без чаңгыда йөрдек, волейбол уйнадык. Мәктәптә укыган елларда бездә хәрбиләштерелгән «Зарница» уены уздырылды. Без мина кырын, чәнечкеле тимерчыбыктан ясалган киртәләрне үтеп, кул сугышында алыштык, яшерен карталар эзләдек, «тел» алып кайтырга, ә финишта сугыш байрагын алырга тырыштык. Кызлар шәфкать туташлары булды. Без хезмәттәшләребез белән еш кына балачагыбызны искә төшерәбез һәм сугышта безгә «Зарница» вакытында алган күнекмәләр ярдәм итә дигән нәтиҗәгә киләбез. 30 ел элек популяр булган хәрби-спорт уен форматын тергезү яхшы булыр иде", - дигән ул.Фото: "Туймазы хәбәрләре"