Юлларда һәркем җаваплы

Шофер сүзләренчә, җәяүле караңгыда юл өстендә утырган булган. Ул аны соңгы минутта гына күреп калган һәм нәтиҗәдә бәрдергән.Уфада 15 яшьлек үсмер электр самокатында барганда “Кia Rio” автомобиле тәгәрмәчләре астына эләккән. ЮХХДИ хәбәр иткәнчә, чит ил машинасы водителе юл буенча М. Кәрим урамыннан барганда укучыны бәрдергән. Кызганычка каршы, авария нәтиҗәсендә бала дәваханәгә эләккән.Әлеге вакытта бу юл-транспорт вакыйгалары фактлары буенча тикшерү бара.Шул ук вакытта...Авыргазы районының Мостафа авылында янгын чыккан, дип хәбәр иттеләр Русия Гадәттән тыш хәлләр министрлыгының Башкортстан буенча Баш идарәсендә.“Янгын сүндерүчеләр 6х6 метр зурлыктагы агач йорт, ике җиңел автомобиль (“Toyota RAV-4”, “Toyota Camry”), шулай ук зур абзар януын ачыклаган. Янгынның тиз таралуына көчле җил һәм йорт-кураларның тыгыз урнашуы сәбәпче булган”, – ди коткаручылар.Янгынны 06.19 сәгатьтә локаль­ләштергәннәр. Сүндерүдә 12 кеше һәм 7 берәмлек техника катнашкан. Янгынның сәбәбен һәм булган хәлнең шартларын Русия Гадәттән тыш хәлләр министрлыгы тикшерүчеләре бил­геләргә тиеш. Илеш районының Югары Яркәй авылында шәхси торак йорт янган. Русия Гадәттән тыш хәлләр мин­истрлыгының Башкортстан буенча Баш идарәсеннән хәбәр итүләренчә, янгын сүндерүчеләр килгәнче, ашыгыч ярдәм хезмәткәрләре 89 һәм 63 яшьлек ике хатын-кызны коткарган. Алар төрле дәрәҗәдәге тән җәрәхәтләре белән дәваханәгә озатылган.Янгынны сүндерү барышында 90 яшьлек ирнең мәете табылган. Ян­гынның сәбәбе ачыклана. Шулай ук Уфада Левитан урамындагы күпфатирлы йортта янгын чыккан. Ике кеше коткарылган, тагын 7 кеше эвакуацияләнгән. Янгын 15 минут эчендә сүндерелгән. Русия Гадәттән тыш хәлләр мин­истрлыгының Башкортстан буенча Баш идарәсенә Кушнаренко районы Калтай авылының Бакча урамындагы торак йортта янгын чыгу турында хәбәр килгән. Урынга оператив рәвештә министрлык көчләре һәм чаралары, башка ашыгыч хезмәтләр җибәрелгән. Беренче подразделение урынга килгәндә 8х10 метр зурлыктагы кирпеч йортта янгын чыгуы ачыкланган.Кызганычка каршы, янгын сүндерү барышында һәлак булган 1966 елгы ир табылган, дип хәбәр иттеләр ведомствоның матбугат хезмәтендә.Янгын 18.53 сәгатьтә локаль­л­әштерелгән. Аны сүндерүгә Русия Гәдәттән тыш хәлләр министрлыгыннан 8 кеше һәм 3 берәмлек техника җәлеп ителгән.Янгынның сәбәпләрен һәм хәл-шартларын министрлыкның тикшерү-оператив төркеме һәм тикшерүчесе ачыклый.Быел яз республикада янгын хәвефе тудыручы шартлар чагыштырмача иртәрәк туды, сак булыйк, җәмәгать!Резида ВӘЛИТОВА.