“Амкодор-Агыйдел” предприятиесе эшчеләр җыя

- Башкортстанның мәшгульлек хезмәте актив үсеш ала, быелдан башлап бездә персонал сайлау буенча эшнең яңа форматы барлыкка килде: айга ике тапкыр предприятиеләргә кадрлар сайлап алабыз, - дип шәрехли Башкортстанның гаилә, хезмәт һәм халыкны социаль яклау министры Ленара Иванова. - Мондый чара барышында эш бирүче үзенең компаниясен тәкъдим итә, эш эзләүчеләрнең сорауларына җавап бирә, шуннан соң кызыксынучы кандидатлар белән шәхси интервью үткәрә. Ачык кадрлар сайлап алуның өстенлеге шунда ки, компания вәкилләре тиешле белемнәрне, күнекмәләрне һәм кандидатларның шәхси компетенцияләрен урында бәяли алалар, ә дәгъвачылар, үз чиратында, вакантлы вазыйфаның үзенчәлеген турыдан-туры белә һәм туры килә торган эш урынын тизрәк билгели ала. Мондый формат компанияләргә бик күп вакансияләрне ябарга, эшкә компетентлы хезмәткәрләрне алырга ярдәм итә.Предприятие кадрларны ачык сайлап алуда түбәндәге вакансияләр көтә: металл конструкцияләр җыю буенча мастер, слесарь, электр, газ ярдәмендә эретеп ябыштыручы, станоклар һәм манипуляторлар көйләүчесе, инженер-технолог, киң профильле станокчы һәм башкалар. Хезмәт хакы 30 мең сумнан 65 мең сумга кадәр булган барлыгы 10 белгечлек буенча 64 вакантлы урын тәкъдим ителәчәк.- “Амкодор” заводы быел җәен эшли башлаячак, - дип сөйләде Башкортстанның Үсеш корпорациясе генеральный директоры Наил Габбасов. - Мондый кыска вакытта әлеге объектны тергезү мөмкинлеге - инвесторның Үсеш корпорациясе, төбәкнең Икътисади үсеш һәм инвестицион сәясәт министрлыгы, республиканың Тышкы икътисади элемтәләр министрлыгы, Башкортстан Сәнәгать һәм сәүдә министрлыгы һәм башка ведомстволар белән берлектә системалы эш нәтиҗәсе. Үсеш корпорациясе, «Уфа» индустриаль паркының идарәче компаниясе буларак, инвестор күрсәтелгән вакытта җитештерү эшчәнлегенә керешсен, ә аның эшчәнлеге парк территориясендә максималь уңайлы булсын өчен бөтен шартларны тудырачак.Исегезгә төшерәбез, 2021 елның декабрендә Башкортстан Башлыгы Радий Хәбиров Минскига эш сәфәре барышында «Амкодор» холдингы мәйданчыгында булды һәм аның республика белән хезмәттәшлек перспективалары турында фикер алышты. Инде 2022 елның сентябрендә Радий Хәбиров һәм Беларусь Республикасы премьер-министры Роман Головченко ашлык җыюдан соң ашлык эшкәртү өчен машиналар һәм җайланмалар җитештерү заводы төзелешенә старт бирде. Завод ачылганнан соң, 2023 елның июненнән анда 200дән артык белгеч эшләячәк.Моңа кадәр Радий Хәбиров ассызыклаганча, Башкортстанга мондый технологик үсеш алган компаниянең килүе төбәк икътисады өчен мөһим."Амкодор-Агыйдел" предприятиесенә ачык кадрлар сайлап алу 20 апрельдә 11 сәгатьтә Уфа шәһәренең Орджоникидзе районы буенча республика мәшгульлек үзәге филиалында - Уфа шәһәре, Мир урамы, 37а адресы буенча "Русия эше" Кадрлар үзәгендә узачак.Шунысын да билгеләп үтәргә кирәк, шундый ук кадрларны Башкортстан халкының барлык мәшгульлек үзәкләрендә дә сайлап алу узачак. Аларны үткәрү адреслары һәм вакыты белән мәшгульлек үзәкләренең сайтларында һәм социаль челтәрләрендә танышырга була.Фото: pravitelstvorb.ru