“Һаулыҡ һаҡлау” милли проектының (национальный проект “Здравоохранение”) “Онкология сирҙәре менән көрәш” төбәк программаһына ярашлы, Стәрлетамаҡ ҡалаһының 1-се дауаханаһы “Радикал” гамма-детекторлау ҡорамалы алды. Был заманса аппарат организмдағы “һаҡсы” лимфа төйөндәрен эҙләү һәм башҡа мәсьәләләрҙе хәл итеү өсөн файҙаланыла. Ябай тел менән әйткәндә, яман шеш күҙәнәктәренән лимфаны беренсе булып ҡабул итә был “һаҡсы” төйөндәр. – Бөгөн “һаҡсы” лимфа төйөндәрен өйрәнеп, беҙ яман шештең организмда ниндәй кимәлдә таралыуы тураһында мәғлүмәт алабыҙ. Бындай тикшереү яман шеш күҙәнәктәренең таралыу дәрәжәһен яҡшыраҡ аңларға һәм дауалау тактикаһын билдәләргә ярҙам итә, – ти дауахананың баш табибы Андрей Палтусов. Һуңғы өс йылда үрҙә әйтелгән программа һәм проекттар ярҙамында яман шеш менән сирләү осраҡтары 18,4 процентҡа кәмене.Шулай уҡ был сирҙән үлем күрһәткесе лә 9,5 процентҡа түбәнәйҙе. Былтыр онкология сиренә күбеһенсә 55-79 йәшлектәр (70,1 процент) дусар булды. Айырыуса күкрәк биҙе,