«Самырык этнолабораторий» проект шке пашажым умбакыже шуя. Т.Евсеев лӱмеш Калыкле тоштерын тӱҥ корпусыштыжо кажне шуматкечын кидмастар-влакын лекцийыштым колышташ лиеш. 15 апрельыште мотор ӱдырамаш, уста кидмастар Надежда Акиева деке унала коштынна.
Вес гана чолга кидмастар, этноблогер , сылне Женя Кошкина дене вашлиялтына.
Ушештарем, «Самырык этнолабораторий» проект Росмолодежьын грантше полшымо дене илышыш шыҥдаралтеш. Тудым Евсеев лӱмеш тоштерын этнографий пӧлкажын кугурак шанче пашаеҥже, историй шанче кандидат, Надежда Васканова вуйлата.
Кеҥежым 2022 ийыште проектын участникше-влак экспедицийыш коштыныт, архивыште пашам ыштеныт, погымо материалым шымленыт, лончыленыт.
Тиде этнолабораторийын участникше коклаште мыят улам. Тидлан моткоч куанем, кугешнем. Надя Васкановалан да командынан самырык ӱдыр-рвезе-влаклан кугу таум каласем!
#Молодежнаяэтнолаборатория #марийскаявышивка #Росмолодежь #росмолгрант #РосмолодёжьГранты #грантоваяподдержка #МолодежьРоссии #МолодежьМарийЭл #НациональныйМузей #МузейЕвсеева #ЙошкарОла