Агымдагы елда Башкортстанда җиденче чакырылыш республика Дәүләт җыелышы-Корылтай депутатларын сайлаулар узачак. 10 сентябрьгә туры килгән Бердәм тавыш бирү көненә Башкортстан Иҗтимагый палатасы җәмәгать күзәтүчеләре корпусын әзерләячәк. Бу процесска төбәкнең коммерциягә карамаган оешмалары-секторы вәкилләре дә кушылачак. Бүген Башкортстанның Иҗтимагый палатасы һәм республикада теркәлгән коммерциягә карамаган 15 оешма арасында тиешле күпьяклы килешү имзаланды. Аның төп максаты — сайлауларны үткәрүне җәмәгатьчелек күзәтүендә гражданлык җәмгыятенең барлык кызыксынган вәкилләренең катнашуы өчен шартлар тудыру.Аерым алганда, документка түбәндәге коммерциягә карамаган оешмалар җитәкчеләре үз имзаларын куйды: Гражданлык һәм сайлау хокукларын яклау буенча «Гражданлык контроле» ассоциациясе, Дәүләт җыелышы-Корылтай каршындагы Яшьләр иҗтимагый палатасы, Башкортстан халыклары ассамблеясе, « Муниципаль берәмлекләр советы» ассоциациясе, мәҗбүри тоту урыннарында кеше хокукларын тәэмин итүгә җәмәгатьчелек контролен гамәлгә ашыру буенча оешма, төбәкнең «Коммерциягә карамаган оешма советы» Гомумрусия иҗтимагый оешмасының бүлекчәсе, Башкортстан Журналистлар берлеге, Яшьләр сәясәте лигасы, Башкорт хатын-кызлары җәмгыяте, Профсоюзлар федерациясе, Русия яшь галимнәр берлеге, Хатын-кызлар берлеге, Башкортстан урыслары соборы, Башкортстан татарларының милли-мәдәни автономиясе, Бөтендөнья башкортлары корылтае (конгрессы).Тулырак монда укыгыз: https://op.bashkortostan.ru/presscenter/news/534448/