Պատրաստվում ենք Սյունիքի Տեղ համայնքում ստեղծված իրավիճակն արձանագրել ու փոխանցել միջազգային կառույցներին, ներպետական իրավասու մարմիններին: Այս մասին Տեղ համայնքում Armenia Today-ի հետ զրույցում ասաց նորանշանակ ՄԻՊ Անահիտ Մանասյանը: Ըստ նրա՝խնդիր է դրված հասկանալ, թե ինչպես է հնարավոր լուծել այդ խնդիրները՝ մարդու իրավունքի պաշտպանությա խնդիրները բարձրաձայնելով տարբեր կառույցների շրջանում:
Սահմանային նոր խախտումների շուրջ ՄԻՊ-ը նոր թափով է սկսելու աշխատել, քանի որ կարծում է, այստեղ որ բացառիկ կարևորություն ունի առաջին հերթին Մարդու իրավունքների պաշտպանությունն ու դիվանագիտական դաշտում խնդիրը պատշաճ ներկայացնելը:
«Այս պահին ըստ էության փաստահավաք աշխատանք ենք իրականացնում Տեղ համայնքում: Ի սկզբանե արձանագրեմ, որ մեր խնդիրը ոչ թե ընդհանուր առմամբ իրավիճակի վերաբերյալ վերլուծությունն է, այլ մարդու իրավունքների պաշտպանությանը վերաբերելի խնդիրների արձանագրումը: Մենք դեռ չենք հանդիպել քաղաքացիական բնակչության հետ, պատրաստվում ենք հանդիպել՝ հասկանալու համար, թե իրենց իրավունքների տեսանկյունից ինչ խնդիրներ կան»,- ասաց նա:
ՄԻՊ խոսքով՝ մինչև նրանց հետ հանդիպելը հանդիպել է Սյունիքի մարզպետի և մի քանի այլ մարդկանց հետ, ովքեր տեղեկություն են փոխանցել խնդիրների վերաբերյալ:
«Նախնական գնահատմամբ երեխաների իրավունքների, անձանց ֆիզիկական, հոգեբանական անձեռնմխելիության և մի շարք այլ իրավունքների հետ կապված խնդրահարույց իրավիճակներ կան»,- ասաց Մանասյանը:
Մանրամասները՝ տեսանյութում: