Біз жасай алатын ең маңызды нәрсе - жас саналарды шабыттандыру арқылы, біз жастарды ғарыш сапарының келесі кезеңіне шығаруға көмектесетін ғылым математика және технология екенін ұғындыру.
Джон Гленн
Қазіргі кезде заманның ағымына қарай адамдар уақыт өте келе цифрландыру заманына еріксіз еніп келе жатыр. Цифрлық сауаттылық –бұл адамдардың өмірде қай салада болсын цифрлық технологияларды сенімді, тиімді, сыни және қауіпсіз қолдануға дайындығы және қабілеті. Цифрлық сауаттылық ХХІ ғасырдың ең маңыздылығы. Цифрландыру үрдісі, мінсіз білім беру үдерісі мен сапасына әсер етеді. Мектептік білім беру процесіне енгізілген жаңа технологиялар мектеп оқушыларын қарапайым ауызша теорияға қарағанда әлдеқайда көп қызықтыра алады. Әлемдік тәжірибе көрсеткендей, білім беру процесіне цифрландыру жүйесі өте қажет.Бұл білім беру сапасын жақсарту, жаңа ақпараттық технологияларды дамытуға зор әсерін тигізеді.
Пән ерекшелігіне қарай математиканы толығымен компьютерлік негізінде ауыстыруға болмайды. Мысалы: аксиома, теорема, оларды дәлелдеулер, оқушылардың абстрактілік ойлау қабілетін дамыту мақсатында бұрынғы тәсілмен жүруі тиіс. Тек кейбір тақырыптар мен тарауларды оқып үйренуде ғана компьютерлік технологияға жүктеу керек [5. 5 бет]. Мысалы геометрия сабағында кеңістіктегі фигураларды 3D форматта көру үшін AR технологияны сабақта қолдануға болады. AR технологияда PlugXR сайты арқылы фигураны әр - түрлі форматта қарастырады. Ал алгебрада «Функциялардың графиктері» тақырыптарын түсіндіргенде көрнекі түрде графиктердің абсцисса осі бойымен немесе ордината осі бойымен жылжуын көрсетуге болады. Төменгі сыныптарда анимация көмегімен есепте берілген ситуацияны көрнекі түрде модельдеп көрсетуге болады оқушылардың сабаққа деген қызығушылығын ояту мақсатында GeoGebra сайтын қолданады.
Оқушылар сабақта PlugXR арқылы 3D фигуралар қарауда.
АКТ-ны математика сабақтарында қолдану көрнекіліктің және жұмыстың тез орындалуы, материалды игеруге уақыт үнемдеуге мүмкіндік береді.
Математика пәні өте қажетті болғандықтан, қызықты әрі түсінікті болғаны абзал. Қазіргі таңда математиканы үйренуге арналған әдіс -тәсілдер өте көп. Бұл әдіс – тәсілдер оқушылардың математика әлеміне еніп, математиканы үйренуде жаңа технологияларды қолдану биік нәтижелерге жетуге көмектеседі. [6. 24 бет].
Сабағымызды цифрландыра отырып оқушылардың білімге қызығушылығын оятып, ізденушілікке баулуымыз қажет. Заман талабына сай сабақта қолданылатын электрондық байланыс оқушылардың қызығушылығының артуына, зейін қойып тыңдауына, түсінбей қалған сәттерін қайталап көруіне, тыңдауға және алған мағлұматтарды нақтылауға мүмкіндік беруі керек. Ұстаз үшін нәтижеге жету - шәкіртінің білімді болуы ғана емес, білімді өздігінен алуы және алған білімдерін қажетіне қолдануы болып табылады. Бүгінгі жас ұрпақ - ертенгі жаңа әлем. Бүгінгі күні ақпараттар ағымы өте көп, сондықтан ақпараттық ортада жұмыс жасау үшін кез келген педагог өз ойын жүйелі түрде жеткізе алатындай, коммуникативті және ақпараттық мәдениеті дамыған, интерактивтік тақтаны пайдалана алатын, онлайн режимінде жұмыс жасау әдістерін меңгерген мұғалім болуы тиіс. Заман талабына сай жаңа технология әдістерін үйрету, бағыт- бағдар беруші – ол мұғалім. Оқушылар жаңа тұрмысқа, жаңа оқуға, жаңа қатынастарға бейімделуі тиіс. Осы үрдіспен бәсекеге сай дамыған елдердің қатарына ену ұстаздар қауымына зор міндеттер жүктелетінін ұмытпау керек.
Жаңа технология - мұғалімнің мүмкіндігін қуаттандыратын құрал. Жаңа ақпараттық технологияны сабақ барысында қолдану оқушылардың пәнге деген қызығушылығын арттырады, және оның бірнеше артықшылықтары бар. Осы артықшылықтарды сабақ беру барысында да, сабақ нәтижелерінен де көруге болады.
Пайдаланылған әдебиеттер тізімі
1. Ахметжанова, Г.В. Білім берудегі цифрлық технологиялар [Мәтін] / Г. В. Ахметжанов, А. В. Юрьев.- "Білім туралы ғылымдар", 2019.- 334-336 б
2. Мартиросян Л.П. Теоретико-методические основы информатизации математического образования: диссертация доктора педагогических наук. – М., 2010. – 312 с.
3. Т.В. Василенко, Терминдер сөздігі [Мәтін]/ мектеп қызметкерлеріне арналған нұсқаулық / Т. В. Василенко. - М.: Грамотей, 2013. - 32 б.
4. Қазақстан Республикасында білім беруді және ғылымды дамытудың 2011 – 2020 жылдарға арналған мемлекеттік бағдарламасы. – Астана: 2010ж.
5. Қазақстан Республикасының «Білім туралы» Заңы. 2011
6. Аккуланова Б.Б. «Ақпараттық-коммуникациялық технологияларды пайдалану арқылы білім беру деңгейін көтеру». А. 2013. 20-21 б.