Республикабыҙҙа махсус хәрби операцияла ҡатнашыусыларҙың түләүле нигеҙҙә медицина колледжында уҡыусы балалары белем биреү сертификаты алыу мөмкинлегенә эйә. Башҡортостандың Һаулыҡ Һаҡлау министрлығы комиссияһы тарафынан 21 ғариза ҡаралып, дөйөм суммаһы 4 353 081 һумлыҡ сертификат биреү хәл ителгән. Түләүле нигеҙҙә белем алған студентҡа Башҡортостандың Һаулыҡ Һаҡлау министрлығына тейешле формалағы ғариза һәм кәрәкле документтар менән мөрәжәғәт итергә кәрәк. Әгәр студент бәлиғ булмаған йәштә икән, ғаризаны ата-әсәнең береһе яҙырға тейеш. Һаулыҡ Һаҡлау министрлығы ҡарағандан һуң студентҡа белем алыуға сертификат биреү тураһында бойороҡ эшләнә. Сертификат суммаһы һәр студентҡа шәхсән билдәләнә, ул белем биреү ойошмаһына, һөнәренә, курсына бәйле. Сертификат бирелгәндән һуң студент түләүҙән азат ителә. Фото: Башҡортостандың Һаулыҡ Һаҡлау министрлығы.