Башкалада яшәүче бер хатын-кыз социаль челтәрләрдә “Бакалинская” һәм Менделеев урамнары чатындагы пычрак светофорларга зарланган. Аның сүзләренчә, сигналны таныр өчен нык тырышырга кирәк булган. 30 мартта “Инцидент-менеджмент” мәгълүмат системасы хәбәрне теркәп, Уфа шәһәре хакимиятендәге коллегаларына эшкә җибәргән.Шәһәрдә светофорларны карап-тоту өчен “Уфагорсвет” муниципаль предприятиесе җаваплы. 31 мартта аның хезмәткәрләре аларны чистарткан.Икенче вакыйга да чисталык турында. Бу юлы бер уфалы социаль челтәрләрдә, Сипайлово микрорайонындагы “Кашкадан” тукталышының фотосын урнаштырып, аның кайчан юылачагын сораган. Хәбәр 3 апрельдә Башкортстан ЦУРы мәгълүмат системасына эләгә. Аннары аны Уфаның Октябрь районы хакимияте хезмәткәрләре үз контроленә ала. Шул ук көнне коммуналь хезмәткәрләр тукталыш павильонын юган һәм мөрәҗәгать авторына җавап биргән. Гафури районының Татар Саскүле авылында яшәүче хатын социаль челтәрләрдә туган авылында балалар бакчасы ачуны сораган. Баксаң, бу авылда сабыйлар өчен учреждение элек эшләгән икән. Монда күрше Войновка һәм Луговая авылларыннан да нәниләрне китергәннәр. 2021 елда ул вакытлыча ябылган, чөнки мәктәпкәчә яшьтәге балалар булмаган.Урындагы халык мөрәҗәгатеннән соң балалар бакчасы ачу турында карар кабул ителә. Әмма башта ремонт ясарга — канализация, су белән тәэмин итәргә, электрүткәргечләрен һәм тәрәзәләрне алыштырырга кирәк була. Смета төзелә, ремонтлау өчен акча урындагы бюджеттан бүленә. Былтыр 1 декабрьдә төзелеш материаллары сатып алганнар һәм ремонт башлаганнар. 1 мартка су белән тәэмин итү буенча эшләр башкарылган, санузел ремонтланган. Шуннан соң косметик ремонт эшләнгән. Март ахырында учреждениедә ремонт тәмамланып, балалар бакчага йөри башлаган. Әбҗәлил районында яшәүче хатын социаль челтәрләрдә Баем һәм Аслай авыллары арасындагы юлга игътибар итүне сораган. Аның хәбәрен 30 мартта “Инцидент-менеджмент” системасы теркәгән. Башкортстанның Юл хуҗалыгы идарәсе хезмәткәрләре 31 март – 1 апрельдә юл эшләрен башкару өчен бу якларга авыр грейдер җибәрелгәнен ачыклаган. Юлның тигезләнүе турында җавап 3 апрельдә алынган. Мишкә районының Мишкә авылында яшәүчеләрнең берсе Ленин урамы, 114 адресы буенча урнашкан авыл Советы бинасы янындагы канализация люгының капкачын төзәтүне үтенгән. Республикага идарә итү үзәгенең мәгълүмат системалары хәбәрне теркәгәннән соң, Мишкә районы хакимияте хезмәткәрләре коммуникацияләргә керү люгы өчен җаваплы компания белән элемтәгә кергән. Шул ук көнне проблема хәл ителгән. Уфада Ленин урамындагы 104нче йорт янындагы коймадагы язуга шәһәрдә яшәүчеләрнең берсе зарланган. 1 апрельдә социаль челтәрләрдә аның хәбәрен Башкортстанга идарә итү үзәгенең мәгълүмат системалары терки. “Без Уфаның Совет районы хакимиятеннән коллегалар белән элемтәгә кердек, алар ЖЭУ-19 хезмәткәрләре белән бергә проблеманы хәл итү белән шөгыльләнде. 5 апрельдә Ленин урамында коймадагы язуларны буядылар”, — дип язалар ЦУРдан. М-5 “Урал” трассасының яңа участогында Юрмаш елгасы аша күпернең торышына зарланган мөрәҗәгатьне ЦУР системалары 31 мартта тоткан. Андагы чокыр-чакыр һәм дулкын-дулкын булып яткан асфальт халыкны нык борчыган. Башкортстанның Транспорт һәм юл хуҗалыгы министрлыгы проблеманы контрольгә ала, мәсьәләне хәл итүгә алар “Приуралье” автомобиль юллары федераль идарәсе хезмәткәрләрен җәлеп итә. 4 апрельдә Юрмаш елгасы аша күпердәге юлның җитешсезлекләре бетерелгән.