Туймазыдан 43 яшьлек фельдшер узган елның көзендә генерал Шәйморатов исемендәге батальон составында үз теләге белән СВО зонасына китә. Ул ярты ел санитар инструкторларның медицина взводы командиры булып хезмәт итә.- Миңа март аенда ук отпуск бирделәр, ләкин китә алмыйм. Эш күп, — дип уртаклашты медицина хезмәте лейтенанты. — Аеруча табиб-травматологлар, хирурглар җитми. Мин, фельдшер, табиб урынына эшләргә мәҗбүр. Якташ табибларга: "Килегез, сез монда бик кирәк. Сезнең белемегез, алтын кулларыгыз кирәк", - дияр идем."Док"ның өч баласы бар, аның хатыны да табиб. Ул 20 ел Туймазы үзәк район дәваханәсенең «ашыгыч ярдәм» хезмәтендә эшли."Безнең "Док" кебек кешене эзләп тә табалмассың", - ди аның турында сугышчылар. - Ничә кешене коткарганын санап бетереп булмый. Элек хәрби хәрәкәтләрдә катнашмаса да, тиз яраклашты. Хәзер табиблар безнең белән алгы сызыкка чыкмый, без үзебез яраланганнарга беренче ярдәм күрсәтәбез, ә аннары аларны "Док"ка тапшырабыз. Ә ул аларны коткара, кайвакыт теге дөньядан алып чыга".Якташыбызны күрсәткән батырлыгы өчен инде ике тапкыр Батырлык орденына тәкъдим иттеләр.