Найти тему
Հայաստանն այսօր

ՔՊ-ում բարձրացրել են Թովմասյանին հանձնաժողովի նախագահի պաշտոնից հեռացնելու հարցը. ԶԼՄ

«Հրապարակ»-ը գրում է, որ ԱԺ ՔՊ-ական որոշ պատգամավորներ թիմի ներսում հարց են բարձրացրել Թագուհի Թովմասյանին ԱԺ մարդու իրավունքների հանձնաժողովի նախագահի պաշտոնից զրկելու մասին և ուզում են նման գործընթաց սկսել։ Այդ խմբի պարագլուխն, ըստ թերթի, Անդրանիկ Քոչարյանն է: Նրանք մեղադրում են Թովմասյանին, որ հանձնաժողովի նիստում ՄԻՊ թեկնածու Էդգար Ղազարյանի հայտարարություններին չի միջամտել:

Ղազարյանը հայտարարել էր, թե 2018-ին տեղի է ունեցել «ադրբեջանաթուրքական» հեղափոխություն։  Եվ ՔՊ-ի կարծիքով Թովմասյանը պարտավոր էր Ղազարյանին հարկադրել ներողություն խնդրել, մանավանդ, որ Թովմասյանն էլ է մասնակցել այդ հեղափոխությանը և դրա շնորհիվ խմբագրից՝ պատգամավոր, ապա հանձնաժողովի նախագահ դարձել: Ի դեպ, նիստի ժամանակ ևս նրանք նման կոչով դիմեցին ՄԻՊ թեկնածուին, սակայն Ղազարյանը ներողություն չխնդրեց։ Հիմա ՔՊ-ում մի խումբ փորձում է գեներացնել Թովմասյանի՝ հանձնաժողովի նախագահի պաշտոնից հետկանչի գործընթացը։

Լրացուցիչ տեղեկությունների համար այցելեք կայք

Հայաստանի նորությունները Telegram-ում