- Башкортстан Республикасы Башлыгы Радий Хәбиров исеменнән һәм шәхсән үз исемемнән сезне сәламлим. Бөтен республика, бөтен ил сезнең белән горурлана, кыска вакытлы ялдан соң сез кабат катлаулы хәрби бурычларны хәл итәргә барасыз, — диде Башкортстан Хөкүмәте премьер-министры урынбасары Ирек Сәгыйтов. - Безнең өчен сез батырлык һәм патриотизм үрнәге булып торасыз. Белегез, егетләр, республика гаиләләрегез турында хәстәрлекне үз өстенә ала, шулай ук сезгә даими рәвештә килеп, социаль-көнкүреш мәсьәләләрен хәл итәчәкбез. Сезгә йөкләнгән хәрби бурычларны намус белән үтәп, исән-сау әйләнеп кайтыгыз!Сугыш хәрәкәтләре ветераны, «Башкортстан сугышчан туганлыгы» иҗтимагый оешмасы әгъзасы Марат Салихов билгеләп үткәнчә, Башкортстан һәрвакыт үзенең сугышчылары белән дан тоткан. Менә хәзер дә Башкортстан батальоны батырлык һәм каһарманлык үрнәкләре күрсәтә."Ял бер мизгел кебек үтте, - дип уртаклаша хәрбиләрнең берсе Али, ул гаиләсе белән булган, балалары, әти-әниләре белән аралашкан. - Иң мөһиме - бу бәхетле мизгелләрне без анда, алгы сызыкта искә алачакбыз. Әлегә безгә иптәшләребез янына кайтырга вакыт. Безнең алда җаваплы бурыч тора һәм без ышанабыз: Җиңү безнең якта булачак! Якыннарыбыз һәм республикада яшәүчеләрнең берсе дә шикләнмәсен: без ышанычны аклаячакбыз һәм һичшиксез кайтачакбыз!"Исегезгә төшерәбез, республика хакимияте сугышчылар өчен автобуслар бүлеп бирә, алар белән яугирләр үз подразделениеләренә кадәр барып җитәчәк. Шул ук транспорт Башкортстанга башка хәрбиләр белән кайтачак, аларга да ял көннәре кирәк.Фото: Башинформ