Рәсәй Президенты Владимир Путиндың май указдарына ярашлы ҡабул ителгән “Халыҡ-ара кооперация һәм экспорт” милли проектын тормошҡа ашырыу сиктәрендә “Ашығыс экспорт ярҙамы” бригадаһы Өфө ҡалаһы предприятиеларында булды. Был хаҡта Башҡортостан Республикаһының тышҡы иҡтисади бәйләнештәр һәм конгресс эшмәкәрлеге министры Маргарита Болычева хәбәр итте. – Башҡортостандың экспортҡа йүнәлтелгән предприятиеларын эҙләү буйынса әүҙем эште дауам итәбеҙ. Бөгөнгө сәфәр сиктәрендә беҙҙең белгестәр эшҡыуарҙарға күрһәтелгән федераль һәм төбәк ярҙам саралары тураһында ентекләп һөйләне. Уларҙың һорауҙарын тиҙ арала хәл итергә һәм сит ил баҙарҙарына уңышлы сығыуға булышлыҡ итергә тырышасаҡбыҙ, – тип билдәләне Маргарита Болычева. Башҡортостандың Тышҡы иҡтисади бәйләнештәр Һәм конгресс эшмәкәрлеге министрлығы һәм Экспортҡа ярҙам үҙәге вәкилдәре “Башҡорт балы” ПЦ” яуаплылығы сикләнгән йәмғиәте (бал етештереү), “Яңы технологиялар” фәнни-производство предприятиеһы (нефть һәм газ сәнәғәте өсөн ҡорамалдар етештереү), “УфаПак” яуаплылығы сикләнгән йәмғиәте (аҙыҡ-түлек өсөн төргәктәрҙе, көнкүреш тәьминәте тауарҙары етештереү) предприятиеларында булды. Шуны билдәләп үтергә кәрәк, “Яңы технологиялар” фәнни-производство предприятиеһы яуаплылығы сикләнгән йәмғиәте Башҡортостан Республикаһының профилле ведомстволары ойошторған сит ил бизнес-миссияларында һәм күргәҙмәләрендә әүҙем ҡатнаша. Осрашыуҙар барышында “СЭП” эксперттары эшҡыуарҙарға төбәк һәм федераль ярҙам саралары тураһында һөйләне, шулай уҡ уларҙы ҡыҙыҡһындырған һорауҙарға яуап бирҙе. Компания вәкилдәре логистика һәм сертификация сығымдарын ҡаплау йәһәтенән финанс ярҙам сараларына, шулай уҡ тармаҡ күргәҙмә-йәрминкә сараларында һәм бизнес-миссияларҙа ҡатнашыуға булышлыҡ итеүгә ҡыҙыҡһыныу белдерҙе. СЭП белгестәренең консультацияһына йәки визитына ғаризаны электрон почта аша ҡалдырырға мөмкин exportcenter@bashkortostan.ru. Хатта компанияның ҡыҫҡаса тасуирламаһы, сайт йәки социаль селтәрҙәр күрһәтелергә тейеш. Бәйләнеш өсөн телефон һандары: 8 (347) 246-89-28, 8-917-423-22-93. Фото һәм мәғлүмәт сығанағы: pravitelstvorb.ru