12 апрелдә Рәсәйҙә Авиация һәм космонавтика көнөн билдәләйҙәр. Был байрам 1961 йылдың 12 апрелендә совет космонавы Юрий Гагариндың “Восток-1” йыһан карабында тәүге йыһан осошо хөрмәтенә билдәләнә. Был - ысын мәғәнәһендә бөтә Ер кешеләрен планетабыҙҙан ситтә булған нәмәләрҙе асыҡларға ынтылыу маҡсатында берләштергән байрам. Космонавтика көнөндә Нуриман районы уҡыусыларына, өҫтәмә белем биреү учреждениелары тәрбиәләнеүселәренә космонавтика өлкәһендәге һәләттәрен һәм белемдәрен күрһәтеү мөмкинлеге бирелде. "Мәғариф" милли проекты сиктәрендә, ғәҙәттәгесә, райондың барлыҡ дөйөм белем биреү мәктәптәрендә класс сәғәттәре, конкурстар, тематик танып белеү дәрестәре, ҡул эштәре күргәҙмәләре һәм башҡа саралар ойошторолдо. Мәҫәлән, Иҫке Күл ауылы мәктәбендә балалар директор кәңәшсеһе менән “Эра” нәфис фильмын ҡараны һәм фекер алышты. Уҡыусылар шулай уҡ “Минең йыһаным” фотозонаһын һәм “Минең юлдашым” эштәр күргәҙмәһен ойошторҙо. Ҡыҙылъяр ауылы мәктәбендә беренсе класс уҡыусыһы ата-әсәләре менән бергә ҡул эштәре күргәҙмәһе өсөн ысын космонавт шлемы эшләгән, ә 6-сы ”В” класы ҡыҙҙары балалар берләшмәләре менән үҙ-ара эш итеү буйынса директор кәңәшсеһе менән бергә асфальтта йыһан һүрәтен төшөргән. Беренсе май ауылы мәктәбендә – Павловка ауылы урта дөйөм белем биреү мәктәбе филиалы “Иҫ киткес йыһан донъяһы” тематик викторинаһы ойошторған. Сара башында балалар йыһанды үҙләштереү тарихынан, Юрий Алексеевич Гагариндың бала сағы һәм күккә еңел булмаған юлы, уның йыһанға батырҙарса осоуы тураһында ҡыҙыҡлы осраҡтарҙы белде. – Бындай йәнле дәрестәрҙең төп маҡсаты – кесе Ватаныбыҙҙың тарихы һәм мәҙәниәте менән танышыу барышында уҡыусыларҙы илһөйәрлек рухында, шулай уҡ яҡташтарыбыҙҙың ҡаҙаныштарына ғорурлыҡ һәм ихтирам тойғоһо тәрбиәләү, - тине Нуриман районының мәғариф идаралығы начальнигы Гөлнара Фәхретдинова. Фото: Нуриман районы хакимиәте.