ԱՄՆ-ն պատժամիջոցներ է սահմանել 10 երկրների կազմակերպությունների նկատմամբ, այդ թվում՝ Հայաստանից մեկ ընկերության:
Ինչպես հաղորդվում է ԱՄՆ դաշնային ռեգիստրի կայքում, երկրի առևտրի նախարարությունը պատժամիջոցների ցանկում է ներառել Հայաստանից Tako LLC ընկերությանը:
Որպես սահմանափակումների սահմանման պատճառ նշվում է «արտահանման վերահսկողությունը շրջանցելու և ամերիկյան ծագում ունեցող ապրանքների ձեռքբերման կամ ձեռքբերման փորձը՝ ի աջակցություն ռուսական ռազմական և/կամ պաշտպանական-արդյունաբերական բազայի» փորձը։
Ընդհանուր առմամբ սանկցիոն ցուցակում ընդգրկված են 10 երկրների 28 կազմակերպություններ, այդ թվում՝ Ռուսաստանից, Չինաստանից, ԱՄԷ-ից, Ուզբեկստանից, Մալթայից, Սինգապուրից, Իսպանիայից, Սիրիայից և Թուրքիայից:
Ավելի վաղ՝ 2022 թվականի սեպտեմբերին, ԱՄՆ ֆինանսների նախարարությունն արդեն պատժամիջոցներ էր սահմանել Հայաստանի TACO LLC (ՏԱԿՈ ՍՊԸ) ընկերության նկատմամբ։ Գերատեսչության հաղորդագրության մեջ նշվել է, որ ընկերությունը կապված է ռուսական «РАДИОАВТОМАТИКА» ՍՊԸ-ի հետ։
Նաև 2022 թվականի նոյեմբերին ԱՄՆ ֆինանսների նախարարությունը պատժամիջոցների ցանկում է ներառել Հայաստանում գործող Milur Electronics LLC ընկերությանը։