“Демография” милли проекты маҡсаттарына ярашлы, Салауат ҡалаһының 20-се мәктәбе уҡыусылары өсөн сәнғәт китапханаһында “Ышаныс” үҙәге психологтары менән осрашыу үтте. Бөтә донъя һаулыҡ көнөндә педагог-психолог һәм йәштәр менән эшләү буйынса белгестәр “Электрон тәмәке зыяны” темаһына профилактик әңгәмә һәм арт-тренинг үткәрҙе. “Тәмәке тартыуҙың һаулыҡҡа зыян килтереүенә бер кем дә шикләнмәй. Әммә һуңғы ваҡытта йәштәр, хатта урта мәктәп йәшендәге балалар араһында ла вейпинг киң популярлыҡ яулай бара. Күптәр вейпингты хәүефһеҙ шөғөл тип иҫәпләй, айырыуса никотинһыҙ шыйыҡсалар ҡулланғанда. Электрон тәмәке лә бәйлелек тыуҙыра һәм ғәҙәти тәмәкеләргә ҡарағанда ла сәләмәтлеккә ныҡ зыян килтерә”, – тип билдәләне белгестәр үҙ сығышында. Материалды нығытыу сифатында сарала ҡатнашыусылар “Беҙ сәләмәт тормош яҡлы!” һәм “Вейптарға – юҡ!” темаларына коллаж техникаһында арт-плакаттар башҡарҙы һәм, фекерҙәрен дәлилләп, үҙ проекттарын яҡланы. Сара аҙағында кеше ябай тәмәке тартамы, вейп көйрәтәме, айырма юҡ, тигән һығымтаға килделәр. Нисек кенә булмаһын, был мауығыу кеше организмына төҙәтә алмаҫлыҡ зыян килтерә. Шуға күрә ябай йәки электрон тәмәкене тартып, ғүмер буйы уға бәйле йәшәр алдынан күп тапҡыр уйланыу яҡшыраҡ. Билдәле булыуынса, “Демография” (национальный проект “Демография”) милли проекты Рәсәй Президенты Владимир Путиндың май указы менән булдырылды. #ВладимирПутин #национальныепроекты#нацпроекты #региональныепроекты#регпроекты#нацпроектыБашкортостан Фото: Салауат ҡалаһы хакимиәте.