Башҡортостан Хөкүмәтенән хәбәр итеүҙәренсә, Өфөлә Экологик форум сиктәрендә Рәсәй Федерацияһының Тәбиғәт ресурстары һәм экология министрлығы, Тәбиғәттән файҙаланыу өлкәһендә күҙәтеү буйынса федераль хеҙмәт, Башҡортостан Республикаһы Хөкүмәте һәм “Газпром нефтехим Салауат” яуаплылығы сикләнгән йәмғиәте, “Башҡортостан сода компанияһы” акционерҙар йәмғиәте араһында ике килешеүгә ҡул ҡуйылды. Документҡа Башҡортостан Хөкүмәте Премьер-министры Андрей Назаров, Рәсәй тәбиғәт ресурстары һәм экология министрының беренсе урынбаҫары Константин Цыганов, Тәбиғәттән файҙаланыу өлкәһендә күҙәтеү буйынса федераль хеҙмәт етәксеһе Светлана Радионова, “Газпром нефтехим” яуаплылығы сикләнгән йәмғиәтенең идарасы ойошмаһы “РГД Салауат эшкәртеү”ҙең башҡарма директоры Леонид Алехин, “Башҡортостан сода компанияһы” акционерҙар йәмғиәтенең генераль директоры Эдуард Давыдов ҡул ҡуйҙы. – Беҙҙең алға халыҡтың йәшәү сифатын һәм кимәлен күтәреү, тотороҡло иҡтисади үҫеш тәьмин итеү һәм республикала уңайлы йәшәү мөхитен булдырыу буйынса стратегик бурыстар ҡуйылған. Тап шуға күрә бөгөн Экологик форумда Стәрлетамаҡ һәм Салауат ҡалаларында атмосфера һауаһына бысратыусы матдәләр бүлеп сығарыуҙы кәметеү буйынса саралар үткәргәндә үҙ-ара килешеп эш итеү тураһында дүрт яҡлы килешеүгә ҡул ҡуйҙыҡ, – тине Андрей Назаров. Килешеүҙәр сиктәрендә атмосфера һауаһына бысратыусы матдәләр бүлеп сығарыуҙы кәметеү, 2025 йылға тиклем атмосфера һауаһына бысратыусы матдәләр бүлеп сығарыуҙы автоматик контролдә тотоу системаларын ҡуйыу, Стәрлетамаҡ һәм Салауат ҡалаларында атмосфера һауаһының сифатын мониторинглау системаһын үҫтереү буйынса саралар планлаштырылған. – Бынан ары уңайлы мөхитте яҡшыртыу өсөн федераль власть органдары һәм бизнес менән үҙ-ара конструктив эш алып барасаҡбыҙ, – тип йомғаҡ яһаны Андрей Назаров. Яҡтар республиканың ҙур ҡалаларында атмосфера һауаһының сифатын яҡшыртыу буйынса эшмәкәрлектең асыҡлығын тәьмин итеү тураһында һөйләшеп килеште. Фото һәм сығанаҡ: https://pravitelstvorb.ru/news/20667/