Радий Хәбиров: "Беҙ уҡыу һәм яҡшы йәшәү шарттарын тәьмин итергә тейешбеҙ"

Уҡыусылар һәм тегеү эшенә өйрәтеү оҫталары менән аралашҡанда Радий Хәбиров был һөнәрҙең бик кәрәкле булыуын билдәләне. Республикала еңел сәнәғәт өлкәһендә заманса тегеү фабрикалары һәм производстволары һаны арта, уларға профессиональ кадрҙар кәрәклегенә баҫым яһаны. Был уҡыу йортоноң филиалы Баймаҡ районының Урғаҙы ауылында, шулай уҡ Әбйәлил һәм Бөрйән райондарында бар. Белем биреү учреждениеһында бөтәһе 1 000 самаһы студент уҡый. Республика Башлығы шулай уҡ Урал аръяғы агросәнәғәт колледжының ятағында булды. Радий Хәбиров республиканың Мәғариф һәм фән министрлығына уҡыу йылы башланғансы бинаны ремонтларға ҡушты. Артабан республика етәкселеге ҡаланың "Үҙгәреш еле" проекты сиктәрендә төҙөкләндерелгән үҙәк майҙанда булды. Салауат Юлаев проспектын модернизациялау концепцияһы 2020 йылда уңайлы ҡала мөхитен булдырыу проекттарының Бөтә Рәсәй конкурсында еңеүсе булды. Уны тормошҡа ашырыуға 50 миллион һум күләмендә федераль грант бүленгән. Майҙанды яңыртыуҙың беренсе этабы былтыр тамамланды. Быйыл апрелдә төҙөүселәр проекттың икенсе этабының ҙур өлөшөн үтәүгә тотондо. Территорияға плитка, асфальт түшәлгән, видеокүҙәтеү һәм тышҡы яҡтыртыу, шулай уҡ мәҙәни-күмәк саралар өсөн эскәмйәләр һәм сәхнә ҡуйылған. Башҡортостан Башлығы төҙөкләндерелгән майҙанды ҡараны һәм урындағы халыҡ менән аралашты. Республика етәкселеге сменаһына 300 кешегә иҫәпләнгән балалар поликлиникаһы төҙөлөшө барышы менән танышты. Медицина учреждениеһы 2021 йылда «Һаулыҡ һаҡлау» милли проекты буйынса төҙөлә. Майҙаны 5,8 мең квадрат метрлыҡ өс ҡатлы бинала диагностика, рентгенология, стоматология, физиотерапия бүлексәләрен, хирургия һәм травматология блоктарын, ашығыс ярҙамды, көндөҙгө стационарҙы урынлаштырыу күҙаллана. Балалар поликлиникаһында пациенттарҙы педиатрҙар, оториноларинголог, офтальмолог, невролог, травматолог-ортопед, балалар хирургы, кардиолог һәм башҡа белгестәр ҡабул итәсәк. Медицина учреждениеһында шулай уҡ сирлеләрҙең яҡындары өсөн уңайлы шарттар, әсә һәм бала өсөн махсус бүлмәләр булдырыласаҡ. Фото интернеттан. https://glavarb.ru/rus/press_serv/novosti/164334.html