Йәш ғалимдарға ярҙам саралары

Был рейтинг сиктәрендә 2022 йылда Рәсәй Федерацияһының 77 субъектынан йәш ғалимдарға һәм тикшеренеүселәргә ярҙам итеү буйынса төбәк саралары буйынса мәғлүмәт тикшерелгән. Кемерово өлкәһе (Кузбасс) йәш ғалимдарға төбәк ярҙамы саралары буйынса еңеүсе булған, икенсе урын - Новгород өлкәһе, өс лидер иҫәбендә - Башҡортостан Республикаһы һәм Калуга өлкәһе. "Был рейтингты булдырыу идеяһы осраҡлы ғына барлыҡҡа килмәгән. 2022 йылда ил Президенты иғлан иткән Фән һәм технология ун йыллығы сиктәрендә өс төп бурыс билдәләнгән: йәштәрҙе фәнгә йәлеп итеү, ғалимдарыбыҙҙың ҡаҙаныштарын дәүләт һәм йәмғиәт мәсьәләләрен хәл итеү өсөн файҙаланыу һәм фәнни белемде популярлаштырыу. Тикшеренеүҙәр һәм эшләнмәләр секторын кадрҙар менән тәьмин итмәйенсә яңы технологиялар һәм продукттар булдырыу мөмкин түгел, шуға бәйле, «Берҙәм Рәсәй» инициативаһы буйынса илебеҙҙә йәш ғалимдарға ярҙам сараларын билдәләүсе закон проекты индереләсәк. Закон проекты яңы ярҙам сараларын әҙерләүгә йүнәлтелгән, шуға күрә беҙгә әлеге ваҡытта Рәсәй төбәктәрендә ниндәй саралар барлығын аңларға кәрәк ине. Беҙ уларҙы анализланыҡ һәм, шулай итеп, йәш тикшеренеүселәр өсөн ғилми мөхиттең йәлеп итеүсәнлеген булдырыуға яңы алымдар уйлап табырға этәргес бирҙек, тип ышанам», - тине Александр Мажуга. Рейтинг үткәреү критерийҙары өс блокка бүленә. Беренсе блокка формаль критерийҙар 35 һәм 40 йәшкә тиклемге тикшеренеүселәр һаны инә, икенсе блокка йәш ғалимдарға социаль ярҙам менән бәйле махсуслаштырылған, субъект ярҙам саралары (торлаҡ биреү) инә. РФ ФЕДЕРАЛЬ СОЮЗ ДӘҮЛӘТ ДУМАҺЫНЫҢ фән һәм юғары белем биреү буйынса комитеты рәйесенең беренсе урынбаҫары Александр Мажуга билдәләүенсә, икенсе блокты анализлауҙа был программаның төбәктә булыуына ғына түгел, ә йәш тикшеренеүселәр һанына ла, шулай уҡ был ярҙамды файҙалана алған йәш тикшеренеүселәр һаны буйынса ла баҫым яһала. Өсөнсө критерийҙар блогы РФ субъектында ғилми тикшеренеүҙәргә грант/конкурс ярҙамы күрһәтеүҙе үҙ эсенә ала. Әйткәндәй, был турала үҙ сәхифәһендә Башҡортостан Республикаһы Башлығы хакимиәте етәксеһе Максим Забелин: "Бөгөн Бөтә Рәсәй кәңәшмәһендә Рәсәй Федерацияһы субъекттарының ғәмәлдәге ярҙам саралары буйынса рейтинг йомғаҡтары иғлан ителде. Уның һөҙөмтәләрен Дәүләт Думаһының фән һәм юғары белем биреү буйынса комитеты рәйесенең беренсе урынбаҫары Александр Мажуга тәҡдим итте. Беҙҙең төбәктең йәш ғалимдар өсөн торлаҡ мәсьәләһе буйынса иң ҡыҙыҡлы төбәктәр исемлегендә урын алыуы айырыуса ҡыуандырҙы. Конкуренцияның үҫеш динамикаһы, тикшеренеүҙәр диапазоны, грантҡа дәғүә итеүселәр һаны ғалимдарға грант ярҙамы буйынса тырышлыҡтарыбыҙҙың һөҙөмтәлелеген күрһәтә. Евразия фәнни-белем биреү үҙәге менән берлектә был йүнәлештә әүҙем эшләүҙе дауам итәсәкбеҙ һәм йәш, талантлы ғалимдар өсөн бөтә кәрәкле шарттар булдырасаҡбыҙ", - тип яҙҙы. Фото:"Башинформ".