Башкорт теле буенча төбәк диктанты 2015 елдан бирле үткәрелә. Халыкара статусны акция 2019 елда алды, ул вакытта катнашучылар саны 69 687 кеше, 2020 елда — 305 600 кеше, 2021 елда —321 782 катнашучы, 2022 елда 334 523 кеше тәшкил итте. 2020 елдан башлап “Башкорт теле буенча халыкара диктант” халыкара белем бирү акциясе “Башкортстан Республикасы дәүләт телләрен һәм халыклары телләрен саклау һәм үстерү” дәүләт программасын гамәлгә ашыру кысаларында уза. Акциянең максаты — киң җәмәгатьчелекнең игътибарын туган телне өйрәнүгә җәлеп итү, тел мәдәниятен арттыру, Башкортстан Республикасында, Русия Федерациясе төбәкләрендә һәм чит илләрдә башкорт телен үстерү һәм популярлаштыру. Акциядә республиканың барлык районнары һәм шәһәрләре, Русия төбәкләре һәм чит илләр дә актив катнаша. Башкорт теле буенча халыкара диктант онлайн һәм оффлайн форматта узачак. Акциядә оффлайн режимда катнашырга теләүчеләр өчен Уфа фән һәм технологияләр университетында, М. Акмулла исемендәге Башкорт дәүләт педагогия университетында, Мәгарифне үстерү институтында, З. Исмәгыйлев исемендәге Уфа дәүләт сәнгать институтында, Башкортстан Республикасы Милли музеенда һәм Ә. З. Вәлиди исемендәге Милли китапханәдә мәйданчыклар оештырылачак.20 апрельдә Уфа вакыты буенча 11:00 сәгатьтә “БСТ” телеканалында, «ВКонтакте» социаль челтәрендә, телеграм-каналда диктант укуның туры трансляциясе башланачак:- 11:00 сәгатьтән 11:25 сәгатькә кадәр — башкорт телен башлангыч дәрәҗәдә белүче катнашучылар өчен;- 11:30 сәгатьтән 12:00 сәгатькә кадәр — башкорт телен ирекле белүче катнашучылар өчен;– 12.05 сәгатьтән 12.30 сәгатькә кадәр — башкорт теленең төньяк-көнбатыш диалектында язучы катнашучылар өчен.Акциянең һәр катнашучысы диктантны өйдә мөстәкыйль рәвештә язу мөмкинлегенә ия. Соңыннан диктант язган битне фотога төшерергә (сканерларга) һәм 24 апрельнең 23.59 сәгатенә кадәр bashdictant2022@mail.ru электрон почтага, яки телеграм-ботка https://t.me/bash_dictant_bot җибәрергә кирәк булачак.Онлайн-режимда язу мөмкинлеге булмаган очракта, туры эфирның видеосы рәсми сайтта 23 апрельнең 23.59 сәгатенә кадәр (Уфа вакыты буенча) булачак. Теләүчеләр кабатлап күрсәтелгән эфирны карап, диктант яза һәм эшләрне кабул итү тәмамланганчы нәтиҗәләрне җибәрә ала.Акциянең рәсми нәтиҗәләре 30 көн эчендә https://bashdictant.ru/. сайтында урнаштырылачак. Фото: tat-detlib.ru/