8 апрелдән 13-нә тиклем Өфөлә Евгений Вахтангов исемендәге дәүләт академия театрының “Ҙур гастролдәре” үтәсәк. Республиканың Рус дәүләт академия драма театры сәхнәһендә “Һуғыш һәм солох”, “Мадемузель Нитуш”, “Өйәңкеләрҙә ел шаулай”, “Нур”дәүләт татар театры сәхнәһендә “Генерал һәм уның ғаиләһе”, “Бөйөк Ромул”, ”Беҙҙең класс” спектаклдәре күрһәтеләсәк. “Берҙәм гастроль системаһын төҙөү идеяһы илдәге ижади коллективтарҙың хуплауын тапты. “Ҙур гастролдәр” һәм “Беҙ – Рәсәй” программалары йылдан-йыл күберәк ҡатнашыусыларҙы йыя. Йөҙәрләгән артистар илебеҙҙең төрлө төбәктәренә гастролдәргә сығыу, үҙенсәлекле профессиональ тәжрибә туплау мөмкинлегенә эйә, ә эре һәм бәләкәй ҡалаларҙа йәшәүселәр яҡшы спектакль һәм концерттарҙы күрә ала”,– тип билдәләне Рәсәй мәҙәниәт министры Ольга Любимова. Мәғлүмәт хеҙмәте: Тел.: +7 495-225-43-45 (132 йәки 202 һандарын өҫтәгеҙ) E-mail: pr@rosconcert.ru Фото:VK.com