Башҡортостан төҙөүселәре һәм архитекторҙары үҙҙәренең проекттарын BUILD SCHOOL PROJECT 2023 cмотр-конкурсында күрһәтә һәм тәҡдим итә ала. Ул Мәскәүҙә 31 октябрҙән 2 ноябргә тиклем VII BUILD SCHOOL халыҡ-ара күргәҙмәһе сиктәрендә уҙғарыла. – Беҙҙең республикала талантлы һәм һорау менән файҙаланған архитекторҙар күп. Йыл һайын беҙ төҙөлөш тармағындағы федераль һәм төбәк конкурстарында ҡатнашып приздар яулайбыҙ. Халыҡ-ара конкурстарҙа ҡатнашыу - Башҡортостан өсөн перспективалы йүнәлеш. Был беҙгә архитектура һәм төҙөлөштөң иң яҡшы өлгөләрен үҙләштерергә һәм таратырға мөмкинлек бирә, – тип билдәләне төҙөлөш һәм архитектура министры вазифаһын башҡарыусы Егор Родин. BUILD SCHOOL – Рәсәй төбәктәрендә мәктәп һәм мәктәпкәсә йәштәге белем биреү объекттарын проектлауҙа, төҙөүҙә һәм йыһазландырыуҙа инновация алымдарын яҡтыртыуға йүнәлтелгән берҙән-бер күргәҙмә. Конкурста архитекторҙар, реставраторҙар, дизайнерҙар, студия һәм оҫтаханалар, проект институттары, ВУЗ һәм колледж студенттары ҡатнаша ала. Конкурсҡа һуңғы өс йылда башҡарылған проекттар һәм төҙөлөштәр ете номинация буйынса ҡабул ителә. Студенттар өсөн айырым “Иң яҡшы студенттар проекты” номинацияһы ҡаралған.Ҡатнашыу өсөн заявканы 2023 йылдың 5 сентябренә тиклем бирергә мөмкин. Бәйләнеш өсөн контакттар:+ 7 (495) 697 69 11, info@buildschool.ru Фото: Башҡортостан Хөкүмәте сайты.