Әйтергә кирәк, 2023 ел башында хәрби хәрәкәтләр ветераннары махсус хәрби операция бурычларын үтәүче хәрби хезмәткәрләргә ярдәм итү башлангычы белән чыкты. Отставкадагы полковник Борис Гордеев һәм хәрби хәрәкәтләр ветераны Илдар Зәйнетдин үз иреге белән Даян Мурзин исемендәге батальонга һәм «Төньяк амурлары» батальоннарына чакыру, ә СВО катнашучысы Илгиз Солтанморатов - «Ватан» отрядына кабул итү турында игълан иттеләр. Аларга яңа бүлекләр сафларына керергә теләүчеләр күп мөрәҗәгать итте. Күпчелеге армиядә хезмәт иткән, хәрби тәҗрибәгә ия. Оператив киңәшмәдә Башкортстан Башлыгы бу башлангычларга ярдәм итү турында белдерде һәм Башкортстан батальоннарын эре бүлекчәгә - исемле мотоукчылар полкына берләштерергә тәкъдим итте. - Без бу полкны формалаштыруга бәйле барлык чыгымнарны үзебезгә кабул итәбез. Безнең яктан тулы ярдәм булачак. Җитәкче состав буенча кандидатуралар тәкъдим итүегезне үтенәм, без Русия Оборона министрлыгы белән республика фикере бу мәсьәләдә исәпкә алыначагы турында килештек, - диде Радий Хәбиров. - хәрби комиссариатларның, Сәламәтлек саклау министрлыгының һәм республика Хөкүмәтенең бердәм эшләве кирәк. Оператив киңәшмәдә төбәк җитәкчесе шулай ук республикага кыска вакытлы ялга килгән махсус хәрби операциядә катнашучыларга дәүләт бүләкләре тапшырды.