Իրանի իշխանություններն սկսել են հասարակական վայրերում տեղադրել «խելացի տեսախցիկներ»՝ հիջաբի պարտադիր կրման մասին օրենքին չհամապատասխանող կանանց հայտնաբերելու համար։ Այս մասին հայտնում է Tasnim գործակալությունը։
Տեսախցիկների միջոցով հայտնաբերված կանայք կստանան տեքստային հաղորդագրություններ, որոնք կզգուշացնեն նրանց «հիջաբի և հասարակական մաքրաբարոյության մասին օրենքի» խախտումների մասին և կնախազգուշացնեն դրանց հետևանքների մասին:
Իրանի իշխանությունները նման որոշում են կայացրել 2022 թվականի աշնանը երկրում տեղի ունեցած զանգվածային ցույցերի ֆոնին այն բանից հետո, երբ 22-ամյա Մահսա Ամինին մահացել է հիջաբը սխալ կրելու համար դաժան կալանքի հետևանքով։
Իրանական սոցցանցերում սկսել է ֆլեշմոբ տարածվել՝ աղջիկներն այրել են հիջաբներն ու կտրել մազերը՝ դեմ արտահայտվելով հիջաբի պարտադիր կրմանը։ Այս ֆոնին իշխանությունները երկրի առանձին շրջաններում արգելափակել են ինտերնետի հասանելիությունը։