ԵԱՀԿ գործող նախագահ, Հյուսիսային Մակեդոնիայի արտաքին գործերի նախարար Բուջար Օսմանին ապրիլի 10-13-ը տարածաշրջանային այցի շրջանակում կգա Վրաստան, Ադրբեջան և Հայաստան՝ հանդիպումներ ունենալու պետական պաշտոնյաների և այլ շահագրգիռ կողմերի հետ։ Այս մասին հայտնել է ԵԱՀԿ պաշտոնական կայքը։
Հայտնի է, որ կկայանան հանդիպումներ խորհրդարանականների, քաղաքացիական հասարակության ներկայացուցիչների և այլ զրուցակիցների հետ։
«Ուղևորությունը կկենտրոնանա ԵԱՀԿ-ի, Վրաստանի, Ադրբեջանի և Հայաստանի միջև համագործակցության ամրապնդման, անվտանգության առկա մարտահրավերների լուծման և Հարավային Կովկասի տարածաշրջանում երկխոսության միջոցով խաղաղության և կայունության խթանման վրա»,- ասված է հայտարարության մեջ: