Ռոտենբուրգսորտի շրջանի պահեստում բռնկված հրդեհից հետո Համբուրգում տարհանում են իրականացնում քաղաքի կենտրոնին ծխի թունավոր ամպի մոտենալու պատճառով: Այս մասին Twitter-ում հայտնել է քաղաքի ոստիկանությունը։
Ոստիկանության ներկայացուցիչը հայտնել է, որ տեղի ունեցածի պատճառով տարհանվել է մոտ 140 մարդ: Նշվում է, որ դեռևս հստակ չի կարելի գնահատել իրավիճակի վտանգավորությունը։
Ավելի վաղ Der Spiegel-ը հայտնել էր, որ Ռոտենբուրգսորտ շրջանում երկու պահեստ է այրվել։ Հրշեջները Համբուրգի բնակչությանը նախազգուշացրել են թունավոր ծխի մասին: Քաղաքի բնակիչներին խնդրում են փակել պատուհաններն ու դռները, ինչպես նաև անջատել օդափոխությունն ու օդորակումը, քանի որ թունավոր ծխի ամպը շարժվում է դեպի քաղաք:
Հրդեհաշիջման աշխատանքներն այս պահին շարունակվում են: