“Мәғариф” милли проектының “Социаль әүҙемлек” төбәк проекты сиктәрендә Борай районының Рәүеф Ғәлиева исемендәге район мәҙәниәт йортонда сәләмәтлек мөмкинлектәре сикләнгән ҡыҙҙар өсөн “Кескәй принцессалар балы” үтте. Балалар матур күлдәктә килгән. Фойе байрамса биҙәлгәйне, майҙансыҡтар зоналарға бүленде: арт-галерея (ҡыҙҙарҙың портреттарын төшөрөү), фотозона ойошторолдо, аквагрим буйынса рәссамдар ғәҙәти булмаған һүрәттәр төшөрҙө. Бәләкәй принцессалар өсөн әкиәт прическалары салоны эшләне, шулай уҡ ижад өсөн киңлек ойошторолдо: оҫталыҡ дәрестәре һәм аниматорҙар менән уйын программаһы. Байрамдың тантаналы өлөшө ҡыҙҙарҙы принцессаға бағышлауҙан башланды: матур кейемдәрҙең ялтырауы, йылмайыу, галант кавалерҙар һәм гүзәл ханымдар. Принцессаларҙың һәр береһенә таж тапшырҙылар, ә уларҙы әкиәт персонаждары сәләмләне. Улар өсөн бай программа әҙерләнгәйне – тылсымлы шоу, “Жасмин” өлгөлө эстрада бейеүҙәре ансамбле, Балалар сәнғәт мәктәбе тәрбиәләнеүселәре сығыштары һәм “Ынйылар” вокаль ансамбле б