8 апрель программасы кысаларында "Ата-аналар көне" узды, анда "Заманча баланы тәрбияләү тренды" темасына кагылдылар. "Баланы тәрбияләү: сабыйны ярату баш миен ничек формалаштыра", "Әгәр бала бернәрсә дә теләмәсә", "Баланы укуга җәлеп итүнең 7 ысулы", "Ата-ана неврозы: тәрбия һәм янау" һәм башка күп темалар яктыртылды. Шулай ук "Тиз уку", "Матур язу", "Китап клубы", “Менталь арифметика” дигән осталык дәресләре узды.- Бүген безнең алда мөһим бурыч тора - дәүләт хакимияте органнарын, иҗтимагый оешмаларны, ата-аналарны берләштереп, үсеп килүче яшь буынны тәрбияләүгә бөтен көчебезне юнәлтү. Форум кысаларында ике көн дискуссия мәйданчыклары, психологлар, педагоглар лекцияләре, консультацияләр эшләде, алар мәгълүмати, методик ярдәм күрсәтте, - дип сөйләде мәгариф һәм фән министры урынбасары Инесса Косолапова.Бүген форум кунаклары өчен профессиональ психологлар, спикерлар чыгыш ясады. Шәхес үстерү, мөнәсәбәтләрне гармонияләштерү, коммуникацияләр белән идарә итү һәм потенциалны гамәлгә ашыру буенча 20дән артык курсның авторы-эксперты Сергей Артемьев билгеләп үткәнчә, баланың иминлеге һәм үсеше өчен аңа төрле кешеләр даирәсе белән коммуникация төзү үзенчәлекләрен балачактан аңлату бик мөһим."Хәзерге ата-аналар" халыкара форумында 100 эксперт, 2000нән артык ата-ана һәм балалар, онлайн-форматта 5000нән артык кеше катнашты.