Ураҙаның икенсе 10 көнлөгө гонаһтар ярлыҡанып, тәүбәләр ҡабул ителә торған мәл

Әҙәмдәрҙең барыһы ла Аллаһтың ярлыҡауына мохтаж, сөнки донъяла яңылышмаған һәм ниндәйҙер гонаһ ҡылмаған кеше юҡ. Хәҙистәрҙең береһендә пәйғәмбәребеҙ Мөхәммәт саллаллаһу ғәләйһи-үә-сәләм әйтә: “Әҙәм балаларының барыһы ла хаталана, ә хаталаныусыларҙың иң хәйерлеһе – тәүбә итә торғаны”. Тәүбә итеү һәр ваҡытта ла бик ҙур ғибәҙәттәрҙән һанала, әммә изге Рамаҙан айының икенсе 10 көнлөгө тәүбә итеү өсөн махсус ваҡыт булараҡ тәғәйенләнә. Шуға күрә ошо көндәрҙә ураҙа тотҡан мосолмандар бәндәселек менән ҡылған гонаһтарын ғәфү итеүен һорап, Аллаһ Тәғәләгә мөмкин тиклем йышыраҡ мөрәжәғәт итергә тейеш. "Раббәнәғфир лии үә лиүәәлидәййә үә лил-мүьминиинә йәүмә йәҡуумүл-хисәәб" тип уҡырға. Мәғәнәһе: "Эй Раббыбыҙ! Мине һәм минең ата-әсәмде һәм иман килтергән кешеләрҙе Ҡиәмәт көндө, хисап буласаҡ көндө ярлыҡа!"(«Ибраһим» сүрәһе, 41-се аят). Фото: https://vk.com/public117232652?w=wall-117232652_18999