ҠУҘЫ Аҙна башында өр-яңы идеяларығыҙҙы тормошҡа ашырыу менән мәшғүл булырһығыҙ. Һәр эште ныҡлы уйлап, алдан күҙаллап башҡарһағыҙ, уңырһығыҙ. Бөтөн башланғыстар өсөн уңышлы булған мәлде файҙаланып ҡалырға ашығығыҙ. БУҒА Был осорҙағы эшмәкәрлегегеҙ әүҙем һәм һөҙөмтәле булмаҡсы. Бер үк ваҡытта ярайһы уҡ талсығырһығыҙ, моғайын. Аҙнаның тәүге көндәрендә үҙаллы ҡарар ҡабул итеүҙән баш тартырға, бурыстарҙы башҡалар менән уртаҡлашырға кәңәш ителә. ИГЕҘӘКТӘР Иғтибарлы һәм һаҡ булығыҙ. Тап ошо мәлдә дошмандарығыҙ әүҙемләшер, зыян килтерергә тырышыр. Аҡсаға бәйле мәсьәләләрҙе аҙна уртаһында хәл итә алырһығыҙ, моғайын. ҠЫҪАЛА Осорҙоң тәүге көндәре ғаилә, дуҫлыҡ мөнәсәбәттәрен нығытыу, киләсәгегеҙҙе күҙаллау өсөн уңайлы. Аҙнаның икенсе яртыһында ыңғай мөмкинлектән файҙаланыу өсөн әүҙемлек һәм ҡәтғилек күрһәтегеҙ. Ошо рәүешле генә байтаҡ сетерекле мәсьәләләрҙе хәл итә алырһығыҙ. АРЫҪЛАН Кеше менән аралашыуҙан баш тартып, яңғыҙ ҡалғығыҙ килер. Был тойғоно еңергә тырышығыҙ, сөнки әле барлыҡ эштәрҙе яйға һалыу, мәсьәләләрҙе хәл итеү өсөн уңайлы мәл. Аҙна аҙағына көс-ҡеүәтегеҙ артыр. ҠЫҘ Матди мәсьәләләрҙе хәл итеп, кәйеф-сафа ҡороуға, ял итеүгә ваҡытығыҙ ҡалмаҫ, моғайын. Аҙна башында бурысығыҙҙы ҡайтарыуҙарын һорарҙар. Шуға күрә сығымдарығыҙҙы алдан күҙалларға тырышығыҙ. ҮЛСӘҮ Аҙна ваҡ-төйәк мәшәҡәт менән үтер. Яҡындарығыҙҙың кәңәшенә ҡолаҡ һалығыҙ, ауыр саҡтарҙа үҙегеҙ ышанған кешеләргә ярҙам һорап мөрәжәғәт итегеҙ. Проблемаларҙы үҙаллы хәл итәм тип, ҙурыраҡ хата яһауығыҙ бар. Аҙна аҙағында мөһим эш башламағыҙ. САЯН Осор айырыуса романтик мөнәсәбәттәр йәһәтенән уңышлы күренә. Ләкин күңел асыуҙар менән саманан тыш мауыҡмаһағыҙ ине. Аҙнаның икенсе яртыһында аналитик фекерләү талап ителер. УҠСЫ Ял итеү өсөн уңайлы осор. Сәйәхәттәр, командировкалар һөҙөмтәле булыр, моғайын. Матди хәлегеҙ ҙә насар түгел. Шулай ҙа алдашыу юлы менән аҡса эшләргә тәҡдим итһәләр, ҡырҡа баш тартығыҙ. Сәйер ғәмәлдәрҙең дә зыяны файҙаһынан күберәк булыр. ЫЛАҠ Аҙна башында ҡылғандарығыҙ өсөн бик оҙаҡ үкенеүегеҙ ихтимал. Кәйефегеҙ төшөр, күңелегеҙ ҡырылыр, моғайын. Шуға күрә бер нәмәгә лә ҡатнашмаҫҡа, ашығыс ҡарар ҡабул итмәҫкә, мөһим эштәрҙе планлаштырмаҫҡа кәңәш ителә. ҺЫУҒОЯР Осор башында кәйефегеҙ бер аҙ ҡырылһа ла, күңел төшөнкөлөгө бик тиҙ үтер. Һеҙгә зыян итергә теләгән кешеләрҙең ниәте барып сыҡмаҫ. Аҙна уртаһында хәл яҡшы яҡҡа үҙгәрер. БАЛЫҠ Аҙна башында төрлө инстанцияларға йөрөргә тура килер. Ығы-зығынан башығыҙ әйләнер, үҙегеҙҙе ҡулда тотоу еңелдән булмаҫ. Судҡа йәки хоҡуҡ һаҡлау органдарына саҡырыуҙары ихтимал. Шуға күрә барлыҡ мәсьәләләрҙе яңғыҙ хәл итергә тырышмағыҙ.