Төбәктә концессия килешүләре нигезендә каты коммуналь калдыклар белән эш итү өлкәсендә объектлар булдыру буенча инвестиция проектларын гамәлгә ашыру респgублика Хөкүмәтендә «Русия экологик операторы» иҗтимагый-хокукый компаниясе җитәкчесе Денис Буцаев катнашлыгында узган киңәшмәдә фикер алышу темасы булды. Премьер-министр билгеләп үткәнчә, 2030 елга республикада барлыкка килгән калдыкларны тулысынча сортларга аеру һәм яртысын үтилләштерү тәэмин ителергә тиеш. - Уфа шәһәре, Краснокама һәм Дүртөйле районнары янында берьюлы ике төбәк операторлары хезмәт күрсәтү зонасы территориясендә калдыкларны эшкәртү һәм урнаштыруның өч объектын булдырырга планлаштырабыз. Бу объектларга ихтыяҗ объектив. 2нче төбәк операторы эшчәнлеге зонасы территориясендә чүп-чарны сортларга аеручы бер комплекс кына бар. Уфа шәһәре янындагы ТКО полигоны калдыкларны урнаштыру объектларының дәүләт реестрыннан чыгарылды. Хәзерге вакытта суд тикшерүе бара. Килеп туган хәлне исәпкә алып, Уфа шәһәре янында ТКО белән эш итүнең комплекслы объектын булдыру беркайчан да булмаганча актуаль, - дип билгеләде Андрей Назаров. Башкортстан Премьер-министры, шулай ук, концессияне төзү шартларын "РЭО" ППК" вәкилләре һәм инвестор белән килештерү буенча эш алып барылуын ассызыклады. Шул ук вакытта документларга кул куелганчы хәл итәргә кирәк булган берничә мәсьәлә калган.