Аны сәламәтлек мөмкинлекләре чикле спортчыларга, тренерларга һәм Паралимпия спорты үсешенә өлеш керткән спонсорларга тапшыралар. Премия лауреатларын бүләкләү тантанасы «Башкортостан» дәүләт концерт залында узды.Очрашуда озынлыкка сикерү буенча Олимпия чемпионы Татьяна Лебедева, биатлон буенча дөнья чемпионы Антон Шипулин, фигуралы шуу буенча дөнья чемпионы Елизавета Туктамышева, Тимераякта фигуралы шуу федерациясенең генеральный директоры Александр Коган, Русия тележурналисты Тимофей Баженов һәм башка танылган физкультура һәм спорт эшлеклеләре катнашты.«Милләт яшьлеге» иҗтимагый премиясе 2014 елда булдырыла. Ел саен аны «Елның уңышлары», «Чикләрсез спорт», «Паралимпия спортының өмете», «Җиңү сере», «Чемпионны тәрбияләү», «Йөрәк чакыруы буенча», «Ачык караш» номинацияләрендә тапшыралар. Бүләк инициаторы, Русия Дәүләт думасы депутаты, 13 тапкыр Паралимпия чемпионы Рима Баталова премиянең Башкортстанның спорт брендларының берсе булуын, спорт җәмәгатьчелегенең һәм сәламәтлек мөмкинлекләре чикле балаларның ата-аналарының югары бәясен алуын билгеләп үтте.- Премия бик мөһим. Һәм без Рима Акбердиновнага бу юнәлеш белән актив шөгыльләнүен дәвам итүе өчен рәхмәтле, – дип ассызыклады Радий Хәбиров. - Беләсезме, Уфада аның исеме белән аталган республика спорт әзерлеге үзәге бар. Ул бу проектны тормышка ашыру өчен юл ачты. Хәзер без анда тулы бер спорт кластерын формалаштырабыз.Радий Хәбиров республикада 120 спорт төре үсеш алуын әйтте. Башкортстан спорт корылмалары саны буенча илдә икенче урында. Яңа зур объектлар мөһим үсеш нокталары булачак: көрәш сарае, фехтование сарае, ишкәкле слалом үзәге, шулай ук «Газпром – балаларга» программасы кысаларында төзелә торган бассейны, каток һәм универсаль залы булган яңа ФОК.Республика Башлыгы очрашуда катнашучыларның Уфада фигуралы шуу буенча гран-при этапларының берсен, шулай ук 2023 елның декабрендә биатлон буенча Бердәмлек кубогын уздыру тәкъдимнәрен хуплады.