Контракт буйынса хеҙмәт шарттары менән ҡыҙыҡһынһағыҙ...

Ҡала хакимиәте башлығы Олег Фролов оҙатыуында Хөкүмәт делегацияһы "Хәрби туғанлыҡ" Бөтә Рәсәй ветерандар йәмәғәт ойошмаһының Күмертау ҡала бүлексәһе базаһында урынлашҡан махсус хәрби операция штабын ҡараны. Белгестәр бында контракт нигеҙендә Рәсәй Ҡораллы Көстәре сафында хеҙмәт итергә теләк белдергән граждандарға консультация бирә. Күмертау ҡалаһы хакимиәте башлығының социаль үҫеш буйынса урынбаҫары Татьяна Лихачева һөйләүенсә, штабта ветерандар ултырыштары үткәрелә, үҙ-ара килешеп эш итеүҙә ҡатнашыусыларға ярҙам координациялана һәм бүленә, йәштәр менән патриотик осрашыуҙар үткәрелә. Һуңғы ваҡытта уларға контракт буйынса хеҙмәт шарттары менән ҡыҙыҡһынған граждандар әүҙем килә, тип билдәләне махсус хәрби операция штабы вәкилдәре. Улар өсөн штабта махсус агитация материалдары, ҡулланмалар, бәйләнеш мәғлүмәттәре бар. Кешеләр контракт буйынса хеҙмәткә ғаризалар ҙа килтерә, был осраҡта ғаризалар Күмертау ҡалаһының хәрби комиссариатына йүнәлтелә. Бөгөн Күмертауҙа йәшәгән меңдәрсә кеше мобилизацияланғандарға ярҙам итеү өсөн берләшә. Кемдер маскировка селтәрҙәрен бәйләй, кемдер аҙыҡ-түлек һәм дарыу йыя, кейем тегеп һала. Махсус хәрби операция штабында ҡатнашыусылар әйтеүенсә, ярҙамға төрлө йәштәге кешеләр килә, ҡалаларҙан да, эргә-тирәләге ҡасабаларҙан да. – Бындай штабтарҙы ойоштороуҙың төп бурысы – граждандарға контракт хеҙмәте буйынса консультация биреү, үҙ-ара килешеп эш итеү, махсус хәрби операцияла ҡатнашыусылар, уларҙың туғандары һәм яҡындары менән эште ойоштороу. Уларҙың береһе лә дәүләт яғынан иғтибарһыҙ ҡалмаҫҡа тейеш, һәр кем социаль, психологик һәм башҡа төрлө ярҙам алырға тейеш. Был кешеләрҙең үҙәк белгестәре ярҙамында үҫешә, йәмғиәткә тулыһынса интеграциялана алыуы мөһим. Геройҙар, Ватанды һаҡлаусылар өлгөһөндә балалар һәм йәштәр тәрбиәләнергә тейеш. Беҙгә был өлкәлә власть органдары, йәмәғәт ойошмалары менән берлектә ҙур эш көтә, – тип билдәләне республика Премьер-министры Күмертау ҡалаһына сәфәре барышында. Фото һәм мәғлүмәт сығанағы: pravitelstvorb.ru