Իսրայելի արտգործնախարար էլի Քոենը նշել է Բաքու կատարած իր այցի նպատակի մասին։ Այս մասին հայտնում են ադրբեջանական լրատվամիջոցները:
«Ես այսօր կարևոր քաղաքական այցով եմ մեկնում, որպեսզի խորացնեմ մեր համագործակցությունը Բաքվի մեր բարեկամների հետ անվտանգության, տնտեսության, նորարարության և էներգետիկայի ոլորտներում, մասնավորապես, ուժեղ և միասնական ճակատ ստեղծել ընդհանուր դժվարությունների դեմ»,-ասել Է Քոենը:
Իսրայելի ԱԳ նախարարն ապրիլի 18-ին կայցելի Բաքու: Այցի ընթացքում նա հանդիպումներ կունենա Ադրբեջանի նախագահի և արտգործնախարարի հետ: Քոենը տնտեսական համագործակցության քննարկումներին զուգահեռ նաև քաղաքական հարցեր կբարձրացնի։
Երկու երկրների արտգործնախարարները մարտի 29-ին Իսրայելում պաշտոնապես բացել են Ադրբեջանի դեսպանատունը: Իրանի խորհրդարանը դատապարտել է դեսպանատան բացումը։ Իրանի խորհրդարանի հայտարարության մեջ նշվել է, որ Ադրբեջանցի պաշտոնյաների այս քայլը քաղաքական բացասական հետևանքներ կունենա։
Իրանցի խորհրդարանականները արաբական և իսլամական երկրների կառավարություններին կոչ են արել դատապարտել Բաքվի գործողությունները: