“Башҡортостан” гәзите Урындағы үҙидара органдары хеҙмәткәрҙәре көнө алдынан “Бәйләнештә” төркөмөндә конкурс иғлан итте. Унда республикабыҙҙың төрлө райондарынан иң уңған, әүҙем, егәрле, эшлекле 16 ауыл биләмәһе башлығы көс һынаша. Улар араһында Стәрлебаш районының Ҡабыҡҡыуыш ауыл биләмәһенең хакимиәт башлығы Илнур Һөйәрғолов та бар. Илнур Ғәлинур улы Һөйәрғолов 1969 йылда Стәрлебаш районының Ҡабыҡҡыуыш ауылында тыуған. Ауыл мәктәбен тамамлағас, Стәрлетамаҡ совхоз-техникумына уҡырға инә. 1988 – 1990 армияла хеҙмәт итә. Хеҙмәт юлын 1990 йылда Стәрлебаш районының “Маяҡ” колхозында техник хәүефһеҙлек буйынса инженер булып башлай. 1996 – 2007 йылда хужалыҡтың баш иҫәп-хисапсыһы булып эшләй. Ә инде 2007 йылда үҙ шөғөлөн аса. 2021 йылда Илнур Ғәлинур улын Ҡабыҡҡыуыш ауыл хакимиәтенә эштәр идарасыһы итеп эшкә алалар, ә бер йылдан ауыл хакимиәте башлығы итеп һайлайҙар. Илнур Һөйәрғолов ҡыҫҡа ваҡыт эсендә ауылдаштарын туплауға, күп эштәр башҡарыуға өлгәшкән. Мәҫәлән, Рәсәй чемпионы Фәүҡәт Тәлғә